గత ఏడాది చివరి నెల డిసెంబర్ కి అలాగే కొత్త ఏడాది జనవరి మొదటి నెలకి రెండు భారీ హిట్స్ లా మాస్ మహారాజ రవితేజ నటించిన రెండు సినిమాలు ధమాకా, వాల్తేరు వీరయ్య సినిమాలతో బ్యాక్ టు బ్యాక్ రెండు హిట్స్ అందుకున్న మాస్ మహారాజ ఇదే ఊపు ని కంటిన్యూ చేయాలనీ అయితే చూస్తూ తెచ్చిన కొత్త సినిమానే “రావణాసుర”.
దర్శకుడు సుధీర్ వర్మ తెరకెక్కించిన ఈ ఇంట్రెస్టింగ్ క్రైమ్ థ్రిల్లర్ అయితే మంచి అంచనాలు నడుమ ఈరోజు థియేటర్స్ లో రిలీజ్ అయ్యింది. అయితే కాస్త మిక్సిడ్ టాక్ ని తెచ్చుకున్న ఈ సినిమా ఓటిటి డీల్ కి సంబంధించి అఫీషియల్ సమాచారం బయటకి వచ్చింది.
మరి ఈ సినిమాని అయితే ప్రముఖ ఓటిటి ప్లాట్ ఫామ్ అమెజాన్ ప్రైమ్ వీడియో వారు అయితే సొంతం చేసుకున్నట్టుగా తెలుస్తుంది. దీనితో పోస్ట్ థియేట్రికల్ రిలీజ్ మరికొన్ని వారాల తర్వాత రావణాసుర ప్రైమ్ వీడియో లో సందడి చేయనుంది.
కాగా ఈ సినిమాలో అయితే ఫరియా అబ్దుల్లా, అను ఇమ్మానుయేల్, మేఘా ఆకాష్, దక్ష నాగర్కర్ అలాగే పూజిత పొన్నాడ లు హీరోయిన్స్ గా నటించగా సుశాంత్ కీలక పాత్రలో నటించాడు. అలాగే భీమ్స్, హర్ష వర్ధన్ రామేశ్వర్ సంగీతం అందించారు. అలాగే అభిషేక్ పిక్చర్స్ వారు సహా రవితేజ లు నిర్మాణం వహించారు.