కొమురం భీమ్.. జూనియర్ ఎన్టీఆర్ వచ్చేశాడు. ఎప్పుడెప్పుడా అని ఎదురు చూసిన ఆ సమయం వచ్చేసింది. జూనియర్ ఎన్టీఆర్ అభిమానులు అయితే కళ్లు కాయలు కాచేలా ఎదురుచూశారు. ఆర్ఆర్ఆర్ లో కొమురం భీమ్ గా నటిస్తున్న జూనియర్ ఎన్టీఆర్ ఫస్ట్ లుక్, టీజర్ ను ఆర్ఆర్ఆర్ మూవీ యూనిట్ తాజాగా విడుదల చేసింది.కొమురం భీమ్ గా జూనియర్ ఎన్టీఆర్ పాత్రను.. మెగా పవర్ స్టార్ రామ్ చరణ్ తన స్వీయ గాత్రంతో ప్రేక్షకులకు పరిచయం చేశాడు.
వాడు కనబడితే సముద్రాలు తడబడతాయి… నిలబడితే సామ్రాజ్యాలు సాగిలపడతాయి.. వాడి పొగరు ఎగిరే జెండా.. వాడి ధైర్యం చీకట్లను చీల్చే మండుటెండ… వాడు భూతల్లి చనుబాలు తాగిన మన్యం ముద్దు బిడ్డ.. నా తమ్ముడు గోండు బెబ్బులి.. కొమురం భీమ్.. అంటూ రామ్ చరణ్.. చెబుతుంటే.. ఆ వీడియో చూసేవాళ్లకు రోమాలు నిక్కపొడవడం మాత్రం ఖాయం.
ఇక.. ఫస్ట్ లుక్ టీజర్ లో జూనియర్ ఎన్టీఆర్ మాత్రం ఒదిగిపోయాడు. కొమురం భీమ్ పాత్రలో అవలీలగా దూరిపోయి అదరగొట్టేశాడు.
