మాస్ మహారాజా రవితేజ హీరోగా ఇప్పుడు అనేక సినిమాలు ఒకే టైం లో ఒకదాని తర్వాత ఒకటి చేసేస్తున్నాడు. మరి ఈ చిత్రాల్లో ఒకదానికి ఒకటి డిఫరెంట్ కాన్సెప్ట్ తో తెరకెక్కుతుండగా వాటిలో కొత్త దర్శకుడు శరత్ మందవా తో చేస్తున్న ఇంట్రెస్టింగ్ ఏక్షన్ కం సోషల్ సబ్జెక్టు చిత్రం “రామారావు ఆన్ డ్యూటీ” కూడా ఒకటి.
మంచి అంచనాలు ఉన్న ఈ చిత్రాన్ని ఇప్పుడు మేకర్స్ వేగంగా పూర్తి చేస్తుండగా మరికొన్ని రోజుల్లో మాసివ్ ట్రైలర్ ని రిలీజ్ చేయబోతున్నారు. అయితే ఈ ట్రైలర్ కి ముందు ఇపుడు ఒక ఇంట్రస్టింగ్ ఏక్షన్ మేకింగ్ వీడియోని రిలీజ్ చేశారు.
ఇది చాలా చిన్నదే అయినా కూడా సినిమాలో ఏ రేంజ్ లో ఏక్షన్ సీన్ లు రవితేజపై చేస్తున్నారో చూపించారు. అంతే కాకుండా ముఖ్యంగా సామ్ సి ఎస్ నేపథ్య గీతం ఈ వీడియోలో అదిరిపోయింది. దీనితో సినిమా వాళ్ళు చెబుతున్నట్టుగా సాలిడ్ బి జి ఎం అయితే సినిమాలో ఉంటుందని అర్ధం అవుతుంది.
మొత్తానికి అయితే ఈ వీడియో మాత్రం అదిరింది అని చెప్పాలి. ఇంకా ఈ సినిమాలో మజిలీ ఫేమ్ దివ్యాన్షా కౌశిక్ హీరోయిన్ గా చేస్తుండగా అన్వేషి జైన్ హాట్ నెంబర్ లో కనిపించింది. అలాగే ఈ చిత్రాన్ని ఎస్ ఎల్ వి సినిమాస్ మరియు రవితేజ నిర్మాణ సంస్థలు సంయుక్తంగా నిర్మాణం వహిస్తున్నారు.
