తెలుగు సినిమా పరిశ్రమ ప్రస్తుతం ఆర్థిక ఒత్తిడిలో ఉంది. ప్రేక్షకులు థియేటర్లకు రావడం తగ్గించేశారు, ఓటీటీ వైపు జనం మొగ్గుచూపడం, బలహీనమైన కంటెంట్ కారణంగా థియేటర్లపై ఆదాయం తగ్గుతోంది. ఈ నేపథ్యంలో, జూన్ 1 నుంచి థియేటర్లు మూసే అవకాశముందని ఎగ్జిబిటర్లు హెచ్చరించగా, దీనిపై ఫిలిం ఛాంబర్‌లో ప్రొడ్యూసర్లు, డిస్ట్రిబ్యూటర్లు సమావేశమయ్యారు.
సమావేశంలో థియేటర్ల అద్దె వ్యవస్థను రద్దుచేసి షేరింగ్ బేస్ పద్ధతిని తీసుకురావాలనే ప్రతిపాదనపై తీవ్ర చర్చ జరిగింది. కొన్ని నిర్మాతలు దీనికి వ్యతిరేకంగా నిలవగా, కొందరు మద్దతు ఇచ్చారు. ఈ వాదనల మధ్య ప్రముఖ నిర్మాత సురేష్ బాబు తన అభిప్రాయాన్ని సరైనగా పరిగణించలేదని భావించి కోపంతో సమావేశం మధ్యలోనే బయటకు వెళ్లిపోయినట్లు సమాచారం. తలుపులను గట్టిగా తన్నుకుంటూ హాలును వీల్చిన సురేష్ బాబు ప్రవర్తన మిగతా సభ్యుల్లో ఉద్రిక్తతను పెంచిందని చెబుతున్నారు.
ఈ పరిణామం పరిశ్రమలో తీవ్ర చర్చకు దారి తీసింది. థియేటర్ రెంటల్ మోడల్‌ను మార్చి పారదర్శకంగా షేరింగ్ పద్ధతిని అమలు చేయాలనే అంశంపై ఇంకా స్పష్టత రాలేదు. పెద్ద సినిమాలు విడుదలకు సిద్ధంగా ఉండగా, ఇలాంటి గందరగోళం పరిశ్రమకు మరిన్ని నష్టాలు కలిగించే ప్రమాదం ఉంది. అందుకే అన్ని వర్గాలు త్వరగా ఓ నిర్ణయానికి రావాలని నిర్మాతలు భావిస్తున్నారు. వచ్చే వారంలో మరోసారి సమావేశం జరగనుంది.