పెద్ద పెద్ద కళ్లతోటి.. అనే ఈ పాట ఏ ముహూర్తాన రాశారో గానీ హీరోయిన్ ప్రణీతకు బాగానే సూట్ అయింది. ఇక అంతకు ముందు బాపుగారి బొమ్మ అంటూ అత్తారింటికి దారేది సినిమాలో అదిరిపోయే పాట ఈ అందాల రాశి ఖాతాలో పడింది. ప్రస్తుతం ప్రణీత సినిమాలతో బిజీగా ఏమీ లేదు కానీ సోషల్ మీడియాలో మాత్రం ట్రెండింగ్‌లో ఉంది.
కరోనా లాంటి కష్టకాలంలో టాప్ హీరోయిన్లందరూ ఇంట్లో ఉంటే ప్రణీత మాత్రం నడివీధుల్లోకి ఎక్కింది. ఎక్కడ ఎవరు పస్తులతో పడుకుంటున్నారో అక్కడికి వెళ్లి ఫుడ్ ప్యాకెట్స్ పంచి పెట్టింది. ఆస్తి, ఫేమ్, క్రేజ్ తక్కువగా ఉండొచ్చేమో గానీ మంచితనంలో, మానవత్వంలో, సేవా గుణంలో మాత్రం ఎవరెస్ట్ అంత ఎత్తులో నిలిచిపోయింది. అందుకే ప్రణీత అంటే ఇప్పుడు అందరికీ ఓ సాఫ్ట్ కార్నర్.
తాజాగా ఈ సుందరి ఓ వీడియోను పోస్ట్ చేసింది. యోగా చేస్తుండగా ప్రణీతకు ఏవేవో శబ్దాలు వినిపిస్తున్నాయట. అవేంటో కనిపెట్టేందుకు చాలానే కష్టపడుతోంది. ఓ కన్ను మూసి మరో కన్ను తెరిచి దొంగలా చూస్తున్నా కూడా ఆ శబ్దాలు ఎక్కడి నుంచి వచ్చాయో కనిపెట్టలేకపోయింది. ఇక ఇదే విషయాన్ని నెటిజన్లను అడిగేసింది. ఎవరికి తెలియడం లేదని త్వరలోనే ఈ ప్రశ్నకు సమాధానం చెబుతాను అని చెప్పుకొచ్చింది.