మాట తడబడుతోంది.. అయినా, ‘విరూపాక్ష్’ సినిమా ప్రమోషన్లలో ఎలాగోలా నెట్టుకొచ్చేస్తున్నాడు హీరో సాయి ధరమ్ తేజ్. యాక్సిడెంట్ కారణంగా తీవ్రమైన గాయాలతో.. ఆసుపత్రిలో చేరి, ఎలాగోలా ప్రాణాలతో బయటపడ్డాడు సుప్రీం హీరో.
కోలుకున్నాడుగానీ.. ఇంకా ‘వాయిస్’ సంబంధిత సమస్యలు ఎదుర్కొంటున్నాడు. ఈ సమయంలో సెటైర్లు అవసరమా.? హెల్మెట్ ప్రాముఖ్యత గురించి మాట్లాడుతున్నాడు.. మంచిదే.! కానీ, అందులో మళ్ళీ డబుల్ మీనింగ్ ఎందుకు.?
ఈ విషయం మేనమామ పవన్ కళ్యాణ్ దృష్టికి వెళ్ళిందట. ‘విరూపాక్ష’ మీద సింపతీ బాగానే వర్కవుట్ అయ్యేలా వుందనీ, ఈ పరిస్థితుల్లో కాంట్రవర్సీలెందుకనీ మేనల్లుడికి పవన్ కళ్యాణ్ క్లాస్ తీసుకున్నాడట.
దాంతో, ఏదో పొరపాటున హెల్మెట్కి ఇంకో అర్థం తీశాననీ, అనుకోకుండా జరిగిందనీ.. తాజాగా కవరింగ్ ఇచ్చాడు. అద్గదీ అసలు సంగతి.