భారత్‌పై తాపత్రయంగా విమర్శలు చేసే షాహిద్ అఫ్రిదిని దుబాయ్‌లో జరిగిన ఓ కార్యక్రమానికి ఆహ్వానించడంపై పెద్ద దుమారం రేగింది. కేరళకు చెందిన పూర్వ విద్యార్థుల సంఘం నిర్వహించిన ఈ వేడుకకు అఫ్రిదితో పాటు ఉమర్ గుల్ హాజరుకావడంపై నెటిజన్లు తీవ్ర ఆగ్రహం వ్యక్తం చేస్తున్నారు.
గతంలో భారత్ భద్రతా దళాలపై అవమానకర వ్యాఖ్యలు చేసిన వ్యక్తిని ఇలా సత్కరించడమేంటి అంటూ పలువురు ప్రశ్నిస్తున్నారు. ఈ కార్యక్రమానికి సంబంధించిన వీడియో వైరల్ కావడంతో “బూమ్ బూమ్” అంటూ అఫ్రిదిని పలకరించడాన్ని మరికొందరు తీవ్రంగా తప్పుబడుతున్నారు. అంతేకాదు, ఇటీవల పహల్గామ్‌లో జరిగిన ఉగ్రదాడిలో 26 మంది ప్రాణాలు కోల్పోయిన సమయంలో భారత్‌ను విమర్శిస్తూ అఫ్రిది చేసిన వ్యాఖ్యల్ని మరోసారి గుర్తు చేస్తున్నారు.
8 లక్షల మంది సైన్యం ఉన్నా ఇది జరగడం అసమర్థత కాదా అని అప్పట్లో చేసిన వ్యాఖ్యలతో ఇప్పటికీ ప్రజల్లో ఆగ్రహం చల్లపడలేదు. ఈ వివాదం పెరగడంతో ఆ కార్యక్రమాన్ని నిర్వహించిన ‘కుబా’ అనే విద్యార్థి సంఘం వివరణ ఇచ్చింది. అదే ప్రాంగణంలో మరో కార్యక్రమంలో గిన్నిస్ రికార్డు కోసం అఫ్రిది, గుల్ వచ్చారని, తమ కార్యక్రమానికి ఆహ్వానం ఇవ్వలేదని స్పష్టం చేసింది.
తమ వేదికకు వారు ముందస్తు సమాచారం లేకుండా వచ్చారని, ఆహ్వానించలేదని తెలిపింది. అయినప్పటికీ దేశ భద్రతకు తలవంచని భారతీయుల గుండెల్లో అలాంటి వ్యక్తులను ఆహ్వానించడం సహించలేనిదని నెటిజన్లు అభిప్రాయపడుతున్నారు. ఈ వ్యవహారం కేరళ సంఘానికి తీవ్ర వివాదాన్ని తెచ్చిపెట్టినట్టయింది.
