యాంకర్ గా ఓ వైపు బిజీగా ఉంటూనే అప్పుడప్పుడు సినిమాల్లో సందడి చేస్తుంటుంది అనసూయ భరద్వాజ్. ‘రంగస్థలం’లో రంగమ్మత్తగా అందరినీ ఆకట్టుకున్న అనసూయకు తరుచూ ఆఫర్లు వస్తూనే ఉంటాయి. ఇటీవల కాలంలో అనసూయ పలు సినిమాల్లో నటిస్తూ నటిగానూ బిజీగా మారిపోయింది. ‘రంగమార్తాండ’ సినిమాలో మరో మంచి పాత్రలో నటిస్తోన్న ఈ హాట్ యాంకర్.
ఇప్పటికే ‘థ్యాంక్యూ బ్రదర్’ సినిమాలో నటించగా.. కృష్ణవంశీ దర్శకత్వంలో రూపొందుతున్న ‘రంగమార్తాండ’లో ఆమె కీలక పాత్ర చేస్తోంది. ఇక తాజాగా రవితేజ హీరోగా రమేశ్ వర్మ దర్శకత్వంలో రూపొందుతున్న ‘ఖిలాడి’ సినిమాలో కూడా ఈ ముద్దుగుమ్మ ఓ ముఖ్య పాత్రలో నటిస్తోంది.
ఈ సందర్భంగా ఈ రోజు అనసూయను తమ చిత్ర బృందంలోకి ఆహ్వానిస్తూ నిర్మాతలు ఓ పోస్టర్ ను రిలీజ్ చేశారు. అనసూయ ఇందులో గేమ్ చేంజర్ వంటిదని ఆమె పాత్రను ఉద్దేశిస్తూ దర్శకుడు రమేశ్ వర్మ హింట్ ఇచ్చారు. ఇక ఈ ‘ఖిలాడి’ సినిమాలో రవితేజ సరసన మీనాక్షి చౌదరి, డింపుల్ హయతి హీరోయిన్లుగా నటిస్తున్నారు. కాగా థ్రిల్ల‌ర్ అండ్ యాక్ష‌న్ ఎంట‌ర్‌టైన‌ర్‌గా తెర‌కెక్కుతోన్న ఖిలాడికి ర‌మేష్ వర్మ ద‌ర్శ‌క‌త్వం వ‌హిస్తుండ‌గా.. రవితేజ ద్విపాత్రాభిన‌యంలో నటిస్తున్నారు. ఆయ‌న సరసన డింపుల్ హ‌య‌తీ, మీనాక్షి చౌద‌రీ రొమాన్స్ చేస్తున్నారు. యాక్ష‌న్ కింగ్ అర్జున్, మ‌ల‌యాళ న‌టుడు ఉన్ని ముకుంద‌న్ త‌దిత‌రులు కీలక పాత్ర‌ల్లో న‌టించ‌నున్నారు. పెన్ స్టూడియోస్, హ‌వీష్ ప్రొడ‌క్ష‌న్స్ సంయుక్తంగా నిర్మిస్తోన్న ఈ మూవీకి రాక్ స్టార్ దేవీ శ్రీ ప్ర‌సాద్ సంగీతం అందిస్తున్నారు. మేలో ఈ చిత్రం ప్రేక్ష‌కుల ముందుకు రానుంది.