చలపతిరావు మరణంపై ఎన్టీఆర్ భావోద్వేగ స్పందన.!

ఈరోజు తెలుగు చలన చిత్ర పరిశ్రమ దగ్గర మరో ప్రముఖ నటులు అయినటువంటి వెర్సటైల్ నటులు చలపతిరావు గారి మరణం ఉదయంతోనే షాకింగ్ గా మారింది. మరి చలపతి రావు గారి మరణంతో అనేకమంది టాలీవుడ్ ప్రముఖులు దిగ్భ్రాంతి వ్యక్తం చేస్తున్నారు.

ఇక ఆయన అంత్యక్రియలు కాస్త ఆలస్యంగా జరగనుండగా చలపతిరావు కి అలాగే నందమూరి అభిమానులు గాని నందమూరి హీరోలకి గాని ఓ ఆప్యాయమైన సంబంధం ఉన్న సంగతి తెలిసిందే. ఆది, చెన్నకేశవ రెడ్డి, ఒక సింహా, ఒక లెజెండ్ లాంటి సినిమాలు చూస్తే వారి ఇంట్లో నటుడే అన్నట్టుగా నందమూరి హీరోలు ఎన్టీఆర్, బాలయ్య లతో కనిపిస్తారు. మరి దీనితో అయితే ఎన్టీఆర్ ఆయన అకాల మరణంతో భావోద్వేగ స్పందన అందించాడు.

ట్విట్టర్ లో తాను మాట్లాడుతూ “చలపతి రావు గారి అకాల మరణం నన్ను ఎంతగానో కలచివేసింది. నందమూరి కుటుంబం ఇవాళ ఒక కుటుంబ సభ్యుడిని కోల్పోయింది. తాత గారి రోజుల నుండి మా కుటుంబానికి అత్యంత ఆప్తుడైన చలపతి రావు గారి మృతి మా అందరికీ తీరని లోటు. ఆయన ఆత్మకు శాంతి చేకూరాలని నా ప్రార్ధన.” అంటూ ఎన్టీఆర్ స్పందించాడు. దీనితో ఈ పోస్ట్ చూసిన ఎన్టీఆర్ అభిమానులు మరింత భావోద్వేగానికి లోనవుతున్నారు.