ప్రస్తుతం కామెడీ షోల ట్రెండ్ నడుస్తోంది ఎంటర్ టైన్ మెంట్ చానెళ్లలో. ఏడేళ్ల కింద ఈటీవీ ప్రారంభయిన జబర్దస్త్ షో ఎంత సక్సెస్ అయిందో అందరికీ తెలుసు. ప్రేక్షకులను వస్తున్న విపరీతమైన డిమాండ్ నేపథ్యంలో జబర్దస్త్ తో పాటు ఎక్స్ ట్రా జబర్దస్త్ ను స్టార్ట్ చేశారు. రెండు షోలు సూపర్ డూపర్ హిట్. ఇప్పటికీ.. ఆ షోలు అలాగే బంపర్ హిట్ తో నడుస్తున్నాయి.
దీంతో.. మిగితా చానెళ్లు కూడా కామెడీ షోలు ప్రారంభించాయి కానీ.. అంతగా సక్సెస్ సాధించలేదు. కొన్ని రోజులు కింద నాగబాబు.. జబర్దస్త్ నుంచి వెళ్లిపోయిన సంగతి తెలిసిందే.
అక్కడి నుంచి డైరెక్ట్ గా జీతెలుగుకు చేరుకున్న నాగబాబు.. అక్కడ అదిరింది పేరుతో కామెడీ షోను ప్రారంభించారు. దానికి జడ్జ్ గా వ్యవహరించారు. నాగబాబుతో పాటు నవదీప్ కూడా ఆ షోకు జడ్జిగా వ్యవహరించగా.. యాంకర్ రవి, భానుశ్రీలు యాంకర్లుగా వ్యవహరించారు. ఆ షో కూడా సక్సెస్ అయింది. జబర్దస్త్ నుంచి కొన్ని టీమ్ లు, పటాస్ నుంచి కొన్ని టీమ్ లు వచ్చి అదిరింది షోను సూపర్ సక్సెస్ చేశాయి.
అయితే.. అదే అదిరింది షోలో మార్పులు చేసింది జీ తెలుగు యాజమాన్యం. ఆ షో సక్సెస్ అయినా కూడా దాన్ని సూపర్ సక్సెస్ చేసేందుకు రెట్టింపు వినోదాన్ని అందించేందుకు.. బిగ్ బాస్ కాలంలో ప్రేక్షకులను తమవైపుకు తిప్పుకునేందుకు ఆ షోలో పలు మార్పులకు శ్రీకారం చుట్టారు.
అదిరింది పేరును తీసేసి.. బొమ్మ అదిరింది అనే టైటిల్ ను సెట్ చేశారు. అంతే కాదు.. యాంకర్లను మార్చారు.. జడ్జిలను మార్చారు.
యాంకర్ శ్రీముఖి ఆ షోతో మళ్లీ వచ్చేసింది. బిగ్ బాస్ హౌస్ కు వెళ్లిన తర్వాత శ్రీముఖి మళ్లీ ఏ షోలో కనిపించలేదు. తాజాగా.. శ్రీముఖి ఈ షోతో ప్రేక్షకుల ముందుకు రానుండటంతో ప్రేక్షకులు ఖుషీ అవుతున్నారు.
నాగబాబుతో పాటు అలీ, సుమ, యాంకర్ శ్రీముఖి, జానీ మాస్టర్.. వీళ్లంతా కలిసి చేసే రచ్చను చూడాలంటే బొమ్మ అదిరింది షోను చూడాల్సిందే.
అయితే.. ఈసారి యాంకర్ శ్రీముఖిని పెట్టి.. మిగితా వాళ్లు నాగబాబు, అలీ, సుమ, జానీ మాస్టర్ లను జడ్జిలుగా ఉన్నట్టు తెలుస్తోంది.
ఇక.. ఈ షోకు సంబంధించిన ప్రోమోను తాజాగా జీతెలుగు యాజమాన్యం విడుదల చేసింది. ప్రోమోలోనే యాంకర్ శ్రీముఖి దుమ్ముదులిపేసింది. ఇక.. శ్రీముఖి అభిమానులకే పండుగ రోజులు రానున్నాయి. అక్టోబర్ 4 నుంచి రాత్రి 9 గంటలకు ఈ షో ప్రారంభం కానుంది.
https://www.youtube.com/watch?v=zinbA98l7Sg