శనివారం నోయల్ మొదలు పెట్టిన రచ్చ ఇంకా కొనసాగుతూనే ఉంది. రాజశేఖర్ మాస్టర్, అవినాష్లది చిల్లర కామెడీ అని నోయల్ అనడంతో వీరిద్దరు చిచ్చుబుడ్డిలా ఆకాశం అంత ఎత్తుకు ఎదిగారు. నోయల్పై మాటల దాడి చేశారు. ఆ సమయంలో అభిజిత్ కల్పించుకోవడంతో అవినాష్ ఆ కారణం చెప్పి సోమవారం రోజు అభిని నామినేట్ చేశాడు. అదే ఇష్యూ అభిజిత్ నామినేట్ చేసే సమయంలోను కొనసాగగా, ఇద్దరు కొట్టుకునే పరిస్థితి వరకు వెళ్ళారు. సోమవారం రోజు జరిగిన నామినేషన్లో అరియానా.. నోయల్, హారికలని నామినేట్ చేయగా అవినాష్.. అభిజిత్, హారికని నామినేట్ చేశాడు. ఇక సోహైల్.. అభిజిత్, మోనాల్ల తలపై గుడ్డు పగలగొట్టాడు.
ఈ వారం నామినేషన్ ప్రక్రియ మంచి రంజుగా సాగుతుంది. డే వన్ నుండి ఇంట్లో క్లోజ్ ఫ్రెండ్స్గా ఉన్న అఖిల్, మోనాల్లు ఏడో వారంలో నామినేషన్లో ఎదురెదురు పడ్డారు. అప్పుడు అఖిల్ నీ కన్నా ఆట బాగా నేను ఆడతా కాబట్టి నువ్వు నామినేషన్కు వెళ్లు అన్నాడు. అప్పడు రీజన్ సరైందే అని మోనాల్ నామినేషన్లోకి వెళ్ళింది . కాని ఈ వారం అఖిల్.. మోనాల్ తలపై గుడ్డు పగలగొట్టి నామినేట్ చేయడం ఆసక్తిని కలిగించింది. ఈ సన్నివేశం ఇంటి సభ్యులకే కాదు బిగ్ బాస్ ప్రేక్షకులకి పెద్ద షాక్ ఇచ్చింది. అమ్మ రాజశేఖర్ అయితే నోరెళ్ళ పెట్టి ఇదేంట్రా వాడు మోనాల్ని నామినేట్ చేశాడని అవినాష్తో అన్నాడు.
అయితే అఖిల్ నామినేట్ చేయడంతో బాధతో మాస్టర్ దగ్గరకు వచ్చిన మోనాల్ కన్నీళ్ళు పెట్టుకుంది. నిన్ను అలా ఎలా నామినేట్ చేశాడు అని అగ్నికి ఆజ్యం పోసేలా మాస్టర్.. మోనాల్ని అడడగా, ఆమె స్పందిస్తూ..అమ్మాయి-అబ్బాయి ఫ్రెండ్స్ అంటే ఫ్రెండ్స్ కాలేరు.. కొంచెం మోర్ కావాలి?? ఆ మోర్ అఖిల్కు ఇవ్వలేదు కదా! అదే ప్రాబ్లమ్’ అని చెప్పుకొచ్చింది. అంటే అఖిల్ మోనాల్ దగ్గర ఏం ఆశించాడు? మోనాల్ ఏం ఇవ్వలేదు అనేది ఇప్పుడు అంతటా ఆసక్తికరంగా మారింది. అయితే మోనాల్ పరిస్థితిని చూసి జాలిపడ్డ మాస్టర్ ‘నువ్వు ఉండే వరకూ నేను నీకు సపోర్ట్గా ఉంటా ‘అని మోనాల్ చేయి పట్టుకుని ధైర్యం చెప్పాడు. అంతేకాదుఅవినాష్, అరియానా, అమ్మ రాజశేఖర్, మోనాల్ అందరు ఓ టీమ్గా జట్టు కట్టారు . అసలు హౌజ్లో ఏం జరుగుతుంది అనే దానిపై నేడు క్లారిటీ రానుంది