టాలీవుడ్ మోస్ట్ ఎనర్జిటిక్ స్టార్ హీరోస్ లో మాస్ మహారాజ రవితేజ కూడా ఒకరు. మరి మాస్ మహారాజ రీసెంట్ గా “ధమాకా”, “వాల్తేరు వీరయ్య” చిత్రాలతో సెన్సేషనల్ హిట్ కాగా దీని తర్వాత చేసిన చిత్రం “రావణాసుర” డిజాస్టర్ కాగా ఇప్పుడు అంచనాలు అన్నీ భారీ పాన్ ఇండియా ప్రాజెక్ట్ “టైగర్ నాగేశ్వరరావు” పైనే అంచనాలు పెట్టుకున్నారు.
మరి ఇదిలా ఉండగా ఈ చిత్రం తర్వాత అయితే రవితేజ మరో సెన్సేషన్ కాంబినేషన్ సెట్ చేస్తున్నట్టుగా ఇప్పుడు సినీ వర్గాల నుంచి సాలిడ్ సమాచారం తెలుస్తుంది. మరి ఆ దర్శకుడు ఎవరో కాదట. రవితేజ తో “డాన్ శీను” సినిమాతో కెరీర్ స్టార్ట్ చేసిన దర్శకుడు గోపీచంద్ మలినేని అట.
మరి ఈ కాంబినేషలో వరుసగా బలుపు, క్రాక్ లతో మాస్ హిట్స్ అందుకున్నారు. మరి ఇప్పుడు నాలుగో సినిమాకి అయితే వీరు సిద్ధం అవుతున్నట్టుగా ఇప్పుడు తెలుస్తుంది. ఇప్పటికే “క్రాక్ 2” ఉన్నట్టుగా వీరు అనౌన్స్ చేశారు. మరి అదే సినిమా ఉంటుందా లేక వేరే సినిమా ఉంటుందా అనేది మాత్రం చూడాలి.
ప్రస్తుతానికి అయితే గోపీచంద్ కి రవితేజ గ్రీన్ సిగ్నల్ ఇచ్చినట్టుగా సినీ వర్గాలు చెప్తున్నాయి. పైగా ఏ సమయంలో అయినా ఈ క్రేజీ కాంబినేషన్ పై అనౌన్సమెంట్ రావచ్చని కూడా రూమర్స్ వినిపిస్తున్నాయి. మరి మోస్ట్ సక్సెస్ ఫుల్ కాంబో అయినటువంటి ఈ సినిమా ఎప్పుడు మొదలవుతుందో చూడాలి.