పూరి జగన్నాథ్ దర్శకత్వంలో రౌడీ హీరో విజయ్ దేవరకొండ బాలీవుడ్ బ్యూటీ అనన్య పాండే జంటగా నటించిన చిత్రం లైగర్.ఈ సినిమా ఎన్నో అంచనాల నడుమ పాన్ ఇండియా స్థాయిలో ఆగస్టు 25వ తేదీ ప్రేక్షకుల ముందుకు వచ్చింది అయితే ఈ సినిమా ఊహించని విధంగా డిజాస్టర్ సొంతం చేసుకుని నిర్మాతలకు తీవ్ర నష్టాలను మిగిల్చింది. ఇక ఈ సినిమాతో విజయ్ దేవరకొండ మౌనం వహిస్తున్నారు. సినిమాకు ముందు పెద్ద ఎత్తున ప్రమోషన్ కార్యక్రమాలను నిర్వహించి మాటల తూటాలను పేల్చిన విజయ్ ఈ సినిమా డిజాస్టర్ కావడంతో మౌనం వహిస్తున్నారు.
ఇకపోతే ఆగస్టు 25వ తేదీ విడుదల థియేటర్లో డిజాస్టర్ సొంతం చేసుకున్న ఈ సినిమా త్వరలోనే డిజిటల్ మీడియాలో ప్రసారం కానుంది. ఈ సినిమా థియేట్రికల్ పూర్తి కావడంతో డిజిటల్ మీడియాలో ప్రసారం కావడానికి సిద్ధమైన ఈ క్రమంలోనే ఈ సినిమా డిజిటల్ హక్కులను డిజిటల్ హక్కులను డిస్నీ ప్లస్ హాట్ స్టార్ భారీ ధరలకు సొంతం చేసుకుంది. ఇకపోతే ఈ సినిమా ఈనెల 22వ తేదీ నుంచి ప్రసారం కానున్నట్లు సోషల్ మీడియాలో వార్తలు వస్తున్నాయి.
త్వరలోనే ఈ విషయం గురించి అధికారిక ప్రకటన తెలియజేయునన్నారు.ఇదిలా ఉండగా విజయ్ దేవరకొండ లైగర్ సినిమా ఫ్లాప్ కావడంతో ఈయన తన తదుపరి సినిమా ఎలాగైనా హిట్టు కొట్టాలన్న ఉద్దేశంలో ఉన్నారు. ఈ క్రమంలోనే విజయ్ దేవరకొండ తన తదుపరి చిత్రాన్ని శివ నిర్వాణ దర్శకత్వంలో సమంతతో కలిసి ఖుషి అనే సినిమాలో నటిస్తున్నారు.ఇప్పటికే ఈ సినిమా మొదటి షెడ్యూల్ చిత్రీకరణ పూర్తి చేసుకుంది. త్వరలోనే రెండవ షెడ్యూల్ చిత్రీకరణ ప్రారంభం కాబోతుంది.