krack :క్రాక్ సినిమాతో బ్లాక్ బస్టర్ అందుకున్న మాస్ మహారాజ రవితేజ ఫుల్ ఫాం లోకి వచ్చేశాడు. దాదాపు మూడేళ్ళ తర్వాత సాలీడ్ హిట్ అందుకున్నాడు. గోపీచంద్ మలినేని దర్శకత్వంలో తెరకెక్కిన క్రాక్ సినిమాలో శృతిహాసన్ హీరోయిన్ గా నటించింది. టాగూర్ మధు భారీ బడ్జెట్ తో నిర్మించాడు. 50 పర్సెంట్ ఆక్యుపెన్సీ తో కూడా రవితేజ క్రాక్ సినిమా బాక్సాఫీస్ వద్ద భారీ వసూళ్ళు రాబడుతోంది. ఈ సంక్రాంతికి విన్నర్ గా నిలిచాడు రవితేజ. ఈ క్రమంలో నే తాజా చిత్రం ఖిలాడీని సెట్స్ మీదకు తీసుకు వచ్చాడు. రీసెంట్ గా ‘రాక్షసుడు’ సూపర్ హిట్ అందుకున్న దర్శకుడు రమేష్ వర్మ ఈ సినిమాని తెరకెక్కిస్తున్నాడు.
‘ప్లే స్మార్ట్’ అనే ట్యాగ్ లైన్ తో తెరకెక్కుతున్న ఖిలాడి సినిమాని పెన్ స్టూడియోస్ అధినేత జయంతి లాల్ గడ సమర్పణలో హవీష్ ప్రొడక్షన్స్ బ్యానర్ పై సత్యనారాయణ కోనేరు ఈ చిత్రాన్ని భారీ బడ్జెట్ తో నిర్మిస్తున్నారు. ఇప్పటికే ఖిలాడి సినిమా నుంచి రిలీజైన పోస్టర్స్ సినిమా మీద భారీగా అంచనాలు నెలకొల్పగా తాజాగా రవితేజ పుట్టిన రోజుని అలాగే రిపబ్లిక్ డే సందర్భాన్ని పురస్కరించుకొని ఫస్ట్ గ్లిమ్స్ ని విడుదల చేశారు చిత్ర బృందం. ‘ఖిలాడి’ టీమ్ విడుదల చేసిన ఫస్ట్ గ్లిమ్స్ వీడియోలో రవితేజ అల్ట్రా-స్టైలిష్ లుక్ లో ఫుల్ ఎనర్జిటిక్ గా కనిపిస్తున్నాడు.
కాగా రాక్ స్టార్ దేవిశ్రీప్రసాద్ అందించిన అద్భుతమైన బ్యాగ్రౌండ్ స్కోర్ ఖిలాడి సినిమా ఎలా ఉండబోతుందో హింట్ ఇచ్చారు. చిన్న గ్లిమ్స్ తోనే సినిమాలో యాక్షన్ ఎలా ఉండబోతుందో తెలుస్తోంది. అంతేకాదు క్రాక్ సినిమాని మించి భారీ హిట్ అవడం ఖాయమని చెప్పుకుంటున్నారు. ఇక రవితేజ డ్యూయల్ రోల్ లో నటిస్తున్న ఈ సినిమాలో మీనాక్షి చౌధరి, డింపుల్ హయతి హీరోయిన్లుగా నటిస్తున్నారు. ప్రస్తుతం శరవేగంగా షూటింగ్ జరుపుకుంటున్న ‘ఖిలాడీ’ సినిమాని 2021 సమ్మర్ లో విడుదల చేయనున్నారు. ఇక ఈ సినిమా తర్వాత రవితేజ త్రినాథ రావు నక్కిన దర్శకత్వం లో ఒక సినిమా చేయబోతున్నాడు.