మామూలుగా అయితే రష్మిన పొగడాలన్నా, ఫ్లర్ట్ చేయాలన్నా కూడా ఆ బాధ్యతను సుధీర్ తన భుజాన వేసుకుంటాడు. కానీ కొత్తగా ఆ పనిని హైపర్ ఆది చేప్టటాడు. రష్మీని పొగిడే పని పెట్టుకున్నాడు. ఢీ షోలో ఇదొ కొత్త రకం ట్రాక్ కావొచ్చు లేదా సపరేట్‌గా ఏదైనా టాస్క్ కావొచ్చు. కానీ సుధీర్ పక్కనే ఉండగా ఆది మాత్రం రష్మీని బుట్టలో పడేసేందుకు బాగానే ట్రై చేశాడు. కానీ అది వర్కవుట్ కానట్టు కనిపిస్తోంది.
సంక్రాంతి స్పెషల్‌గా వచ్చే వారం రాబోతోన్న ఢీ కింగ్స్ వర్సెస్ క్వీన్ ఎపిసోడ్ ప్రోమో తాజాగా వచ్చింది. ఇందులో సంగీత స్పెషల్ గెస్ట్‌గా వచ్చింది. ఇక ఈ ఎపిసోడ్‌ను కాసింత స్పెషల్‌గానే ట్రై చేసినట్టున్నారు. అందరూ కలిసి ఆదిని బక్రాను చేసే పని పెట్టుకున్నారు. రష్మీ, దీపిక పిల్లిని పొగడాలంటూ ఆదికి మంచి టాస్కే ఇచ్చారు. ఇందులో భాగంగా ఆది చేసిన కామెంట్లకు సంగీత హర్ట్ అయింది. ఇక్కడున్న అందరిలో కెల్లా రష్మీయే అందంగా ఉందని కామెంట్ చేశాడు.
ఆది చేసిన ఆ కామెంట్‌కు సంగీత లేచి వెళ్లిపోతాను అని చెప్పేసింది. మన గీత అందం వేరే లెవెల్ అంటూ సంగీత క్రీమ్ బిస్కేట్ వేసే ప్రయత్నం చేశాడు. గీత ఎవరంటూ? శేఖర్ మాస్టర్ ఆదికి పంచ్ వేశాడు. గీత అంటే మన గీతే అంటూ సంగీతను చూపించాడు. ఇక రష్మీని పొగిడే క్రమంలో ఆమె డ్రెస్, మేకప్, జుంకాలు ఇలా అన్నింటిని వర్ణించాడు.. ఎంత కాకాపట్టినా ఇక్కడ పడే వారు ఎవ్వరూ లేరురా అంటూ ఆర్ఆర్ వేయడంతో ఆది పరువుపోయింది.
