మా సినిమా చాలా చాలా బావుంటుంది.. అని చెప్పుకోని దర్శక నిర్మాతలు, నటీనటులెవరైనా వుంటారా.? ఛాన్సే లేదు. ‘బుట్టబొమ్మ’ విషయంలో కూడా పబ్లిసిటీ విపరీతంగా జరిగింది. కానీ, సినిమా థియేటర్లలో తేలిపోయింది.
అనిఖా సురేంద్రన్ ప్రధాన పాత్రలో తెరకెక్కిన ఈ సినిమాలో సూర్య, అర్జున్ దాస్ కీలక పాత్రలు పోషించారు. సితార సంస్థ ఈ చిత్రాన్ని నిర్మించింది. పబ్లిసిటీ పరంగా చూసుకుంటే, గట్టిగానే కష్టపడ్డారాయె.!
కానీ, థియేటర్లలో ఒక్కరోజు కూడా సినిమా నిలబడలేకపోయింది. మలయాళ సినిమా ‘కప్పెల’ని తెలుగులోకి ‘బుట్టబొమ్మ’ పేరుతో రిలీజ్ చేశారు. విశ్వక్ సేన్, సిద్దు జొన్నలగడ్డలతో ఈ సినిమా తీయాలనుకున్నారట.
తీరిగ్గా ఈ సినిమా పరాజయంపై నిర్మాత స్పందించారు. కోవిడ్ దెబ్బ వల్లే సినిమా ‘పాతబడిపోయింది’ అన్నది నిర్మాత వాదన. అన్నీ తెలిసి, జనం నెత్తిన సినిమాని బలంగా ఎందుకు రుద్దారో మరి.! నేరుగా ఓటీటీకి ఇచ్చేసుకున్నా.. థియేటర్లకు వెళ్ళిన ఆ కొద్ది మంది ప్రేక్షకులకి తలనొప్పి తగ్గేదే.!