పవర్ స్టార్ పవన్ కల్యాణ్-సాయిధరమ్‌ తేజ్‌ కలిసి నటించిన మల్టీస్టారర్ మూవీ ‘బ్రో’. హాట్ బ్యూటీస్ కేతిక శర్మ – ప్రియా ప్రకాశ్‌ వారియర్‌ హీరోయిన్లుగా నటించారు. సినిమా మరో రెండు రోజుల్లో జులై 28న రిలీజ్ కానుంది. ఈ సందర్భంగా తాజాగా హైదరాబాద్లో శిల్పకళా వేదికలో ప్రీ రిలీజ్ ఈవెంట్ కూడా గ్రాండ్గా జరిగింది. అభిమానులు భారీగా తరలివచ్చి సందడి కూడా చేశారు.
అయితే ఇంత హడావుడిలోనూ అక్కడి చాలా మంది దృష్టి, అలాగే మిగతా సినీ ప్రియులు, పవన్ అభిమానుల అటెన్షన్ అంతా ఇద్దరు దర్శకుల మీదే ఉంది. వారే హరీశ్ శంకర్, క్రిష్. వీరిద్దరు కూడా పవన్ కల్యాణ్తో ‘ఉస్తాద్ భగత్ సింగ్’, పీరియాడిక్ డ్రామా ‘హరి హర వీరమల్లు’ సినిమాలు చేస్తున్నారు.
కేవలం పవన్ డేట్స్ కోసమే వీరిద్దరు చాలా కాలం పాటు వేచి ఉండి మరీ తమ సినిమాలను సెట్స్పైకి తీసుకెళ్లారు. షూటింగ్ను కూడా మొదలుపెట్టి కొంత భాగం చిత్రీకరించారు. సినిమాకు సంబంధించి అప్డేట్స్ కూడా ఇచ్చి అభిమానుల్లో జోష్ నింపారు. అయితే ప్రస్తుతం పవన్ ఆంధ్ర రాజకీయాల్లో ఫుల్ బిజీగా ఉంటున్నారు.
ఎన్నికలు దగ్గరపడటం వల్ల ఆయన పూర్తి దష్టంతా ప్రచార సభలు, పర్యటనలపైనే పెట్టారు. కాకపోతే ఒక్క ‘బ్రో’ సినిమానే త్వరగా పూర్తి చేసి రిలీజ్కు రెడీ చేశారు. ‘ఉస్తాద్ భగత్ సింగ్’, పీరియాడిక్ డ్రామా ‘హరి హర వీరమల్లు’ షూటింగ్లకు గ్యాప్ ఇచ్చారు. దీంతో ఆ చిత్రాలు ఇక ఎన్నికల తర్వాతే మళ్లీ షూటింగ్ జరుపుకోనున్నాయంటూ వార్తలు వచ్చాయి. ఇంకొంతమందైతే ఉస్తాద్ ఆగిపోయిందని కూడా అంటున్నారు.
అయితే ఇదే సమయంలో ‘బ్రో’ రిలీజ్ ఈవెంట్కు కూడా హరీశ్ శంకర్, క్రిష్ రాకపోవడంతో రూమర్స్ మరింత ఎక్కువయ్యాయి. తన కోసమే దాదాపు మూడేళ్ల పాటు ఎదురుచూసి సినిమాను పట్టాలెక్కిస్తే పవన్ రాజకీయాల బిజీతో సినిమాను పక్కనపెట్టేశారని హరీశ్ ఫీల్ అయ్యారని, అందుకే ప్రీ రిలీజ్కు రాలేదని అందరూ అనుకుంటున్నారు. అలాగే భారీ బడ్జెట్తో సినిమా తీస్తుంటే పవన్ డేట్స్ సరిగ్గా ఇవ్వలేకపోయారని, అందుకే క్రిష్ కూడా కాస్త అసహనం వ్యక్తం చేసి ప్రీ రిలీజ్ ఈవెంట్కు రాకపోయి ఉండొచ్చని చెబుతున్నారు. మరి ఇందులో నిజమెంతో తెలీదు కానీ వీరిద్దరూ ఈవెంట్కు రాకపోవడం మాత్రం ప్రస్తుతం హాట్టాపిక్గా మారింది.