ఫినాలే స‌మీపిస్తున్న కొద్ది హౌజ్‌లో ప‌రిణామాలు పూర్తిగా మారిపోతున్నాయి. బిగ్ బాస్ ఆస‌క్తిక‌ర‌మైన టాస్క్‌లు ఇస్తూ కంటెస్టెంట్స్ స‌హ‌నాన్ని ప‌రీక్షిస్తున్నారు. ఓ ఇద్దరు స‌భ్యులు మంచిగా ఉన్నారంటే వారిద్ద‌రి మ‌ధ్య ఎలా పుల్ల పెట్టాలో ప్ర‌ణాళిక‌లు ర‌చిస్తున్నాడు. ఇప్ప‌టికే మోనాల్, అఖిల్‌ని కాస్త విడ‌గొట్టిన బిగ్ బాస్ అరియానా- అవినాష్‌, అభిజీత్‌- హారిక‌పై కూడా ఫోక‌స్ చేశాడు. రానున్న రోజుల‌లో వీరి మ‌ద్య అపార్దాలు, వాగ్వాదాలు జ‌ర‌గ‌డం కామ‌న్ అనిపిస్తుంది.
బిగ్ బాస్ సీజన్ 4లో బుధ‌వారం ఎపిసోడ్ 81 ప్ర‌సారం అయింది. ఇందులో జ‌ల‌జ అనే అమ్మాయి దెయ్యంగా మారి హౌజ్‌లో హ‌ల్ చ‌ల్ చేసింది. ఇంటి స‌భ్యుల‌ని భ‌య‌పెట్టించే ప్ర‌య‌త్నం చేసింది. అయితే దెయ్యంగా మారిన ఆ అమ్మాయి ఎవ‌రు, ఆ గొంతు ఎవ‌రిది అని హౌజ్‌మేట్స్‌తో పాటు బ‌య‌టి ప్రేక్ష‌కులు కూడా ముచ్చ‌టించారు. ఇంటి స‌భ్యులు ఆర్జే సునీత అని భావిస్తుండ‌గా, నెటిజ‌న్స్ మాత్రం సీజన్ 1లో హ‌రిక‌థ‌తో పాటు కామెడీతో ప్రేక్ష‌కుల‌కి ఫుల్ ఎంట‌ర్‌టైన్ అందించిన హ‌రితేజ అంటున్నారు. ముందు నోయ‌ల్ అనుకున్నారు, ఆ త‌ర్వాత స్వాతి దీక్షిత్ అన్నారు. కాని ఆమె హ‌రితేజ అంటూ రచ్చ చేయ‌డం మొద‌లు పెట్టారు
అయితే ఈ విష‌యం హ‌రితేజ‌కు చేర‌డంతో నేను కాదు బాబోయ్ అంటూ ఓ వీడియో వ‌దిలింది. ఆ దెయ్యం మీరే, గొంతు మీదే అంటున్నారు. అది నేను కాదు. నాకు ఎలాంటి సంబంధం లేదంటూ త‌న‌దైన శైలిలో విడుద‌ల చేసింది హ‌రితేజ. మ‌రి దెయ్యంగా క‌నిపించిన ఆ అమ్మాయి ఎవ‌ర‌నేది రానున్న రోజుల‌లో తెలుస్తుంద‌ని అంటున్నారు. కాగా, బిగ్ బాస్ సీజన్4 ఈ వారం నామినేష‌న్ లో అఖిల్‌, అరియానా,అవినాష్‌, మోనాల్ ఉండ‌గా వీరిలో ఒక‌రు హౌజ్ నుండి ఎలిమినేట్ కానున్నారు.