ఎన్నెన్నో మల్టీస్టారర్ చిత్రాలను చూసి ఉంటాం. అందులో ఓ ఇద్దరు హీరోల మధ్య ఎప్పుడూ పడదు. ఒకరంటే ఒకరికి ద్వేషం ఉంటుంది. ఫస్టాఫ్ మొత్తం అలానే ఉంటుంది. ఇంటర్వెల్ వరకు పోట్లాడుతూనే ఉంటారు. చివరకు సెకండాఫ్‌లో కలిసిపోయి పోరాడుతారు. అలా వారిద్దరూ కలిసినప్పుడు స్క్రీన్‌పై వచ్చే నిండుదనం, వచ్చే ఫీలింగ్ వేరే లెవెల్‌లో ఉంటుంది. అలాగే నిన్నటి ఎపిసోడ్‌లో అభిజిత్ అఖిల్ కలిసిపోవడం, గొడవలన్నీ మరిచిపోయి హత్తుకోవడం వంటివి చూస్తే అందరికీ అలాంటి ఓ ఫీలింగే వచ్చింది.
అలా ఇళ్లంతా పాజిటివ్‌గా మారి.. అందరూ కలిసిపోవడం వెనుకు అఖిల్ తల్లి దుర్గ అన్న మాటలు, చూపించిన ప్రేమే కారణం. నిన్నటి ఎపిసోడ్‌లో ఫ్యామిలీటచ్ ఇచ్చిన బిగ్ బాస్.. ఆటను పూర్తిగాతిప్పేశాడు. అఖిల్ మదర్ రాకతో ఇళ్లు వాతావరణమే మారింది. అఖిల్ తల్లి దుర్గ.. ఇంట్లో వాళ్లందరిపై ప్రేమను చూపించింది. ముఖ్యంగా అభిజిత్, హారికపై ప్రత్యేక ప్రేమను కనబర్చింది. అఖిల్‌ను జాగ్రత్తగా చూసుకో నీ బ్రదర్ లాంటివాడు అని అభిజిత్‌తో పదే పదే చెప్పింది.
అఖిల్ తల్లి చూపించిన ప్రేమకు అభిజిత్ కరిగిపోయాడు. ఇంట్లో వాతావరణం మొత్తం కూల్ చేసేసింది. అమ్మలందరూ ఇంతే బాగుంటారు కదా అని అభిజిత్ మురిసిపోయాడు. ఇప్పటి వరకు జరిగినవన్నీ మరిచిపోదాం.. నేను ఏది కావాలనీ అనలేదు.. మనసులోంచి ఆ మాటలు రాలేదు.. ఏదైనా అని ఉంటే క్షమించు అని అఖిల్ దగ్గరకు అభిజిత్ వెళ్లాడు. దీంతో అఖిల్ కూడా అభిజిత్‌ను సారీ అడిగేశాడు. ఇద్దరూ ఒక్కటయ్యారు. హత్తుకున్నారు. అఖిల్ అభిజిత్‌ను స్నేహంగా దగ్గరకు లాక్కున్నాడు. అయితే ఈ స్నేహం ఎన్ని రోజులు ఉంటుందో డౌటే అని నెటిజన్లు కామెంట్స్ చేస్తున్నారు.