బిగ్ బాస్ షోలోకి రావడానికి అవినాష్ ఎంత కష్టపడ్డాడో అందరికీ తెలిసిందే. జబర్దస్త్, మల్లెమాల నుంచి, వారి నిర్భంధాలు, అగ్రిమెంట్లను విడిపించుకోవడానికి పది లక్షలు చెల్లించాడని వార్తలు వచ్చాయి. మళ్లీ తిరిగి షోలోకి తీసుకోనని చెప్పారట. ఇదే విషయాన్ని ఇంట్లో పదే పదే చెబుతున్నాడు. అతని ఉద్దేశ్యం ఏదైనా గానీ జబర్దస్త్, మల్లెమాల పరువు మాత్రం మొత్తం పోతోంది. అది కాసేపు పక్కన పెడదాం.
ఆదివారం నాటి ఎపిసోడ్‌లో చివరకు అమ్మ రాజశేఖర్, అవినాష్ మిగిలారు. ఈ ఇద్దరిలో ఎవరో ఒకరు ఎలిమినేట్ అవుతారని చెప్పి ఓ బాక్స్‌లోకి పంపించారు. ఎవరు ఎలిమినేట్ అవుతారో తెలీదు కాబట్టి ఆ ఇద్దరూ కూడా ఇంటి సభ్యుల నుంచి వీడ్కోలు తీసుకున్నారు. అరియానా అవినాష్ మధ్య ఎంతో ఎమోషనల్ సంభాషణ జరిగింది. అవినాష్‌ను పట్టుకుని అరియానా ఏడ్చేసింది. ఆమె మాట్లాడిన మాటల ద్వారా ఓ విషయం బయటకు వచ్చింది.
ఒక వేళ అటూ ఇటూ అయితే ప్లీజ్ నా కోసం వెయిట్ చేయవా. నేను రాగానే నిన్ను కలుస్తాను. నీ ప్రాబ్లమ్స్ గురించి నువ్వు ఏమీ ఆలోచించకు. ఒక వేళ ఏమన్నా అయితే ఏ డిసీజన్ తీసుకోకు.. ప్లీజ్. మమ్మీ మీద ప్రామిస్ చేయి. నువ్వు ఏం చేసుకోవద్దు. నీ కాళ్లు పట్టుకుంటా.. ప్లీజ్. నువ్వు బతికుండు చాలు అవినాష్. ప్లీజ్ అవినాష్.. ప్లీజ్ అంటూ భోరున ఏడ్చింది. బిగ్ బాస్ షో నుంచి బయటకు వెళ్తే తన బతుకు ప్రశ్నార్థకమే అని పలు మార్లు చెప్పాడు. అంటే అలా ఎలిమినేట్ అయితే మళ్లీ సూసైడ్ చేసుకునే ఆలోచనలున్నాయని అరియానా మాటల ద్వారా స్పష్టమవుతోంది.