బిగ్ బాస్ ఫినాలె ఎపిసోడ్‌లో ఎన్నో రకాల మూమెంట్స్ జరిగాయి. కొన్ని వింతలు మాత్రం ఎప్పటికీ గుర్తుండిపోతాయి. కొన్ని రికార్డులు హిస్టరీలో నిలిపోతాయి. అలా బిగ్ బాస్ నాల్గో సీజన్ ముగింపు వేడుకలు ఘనంగా జరిగాయి. ఇందులో టాప్ 3లోకి ఒక్క అమ్మాయి కూడా రాకపోవడం ఓ వింతే. అరియానా టాప్ 3లో ఉంటుందని అంతా భావించారు. కానీ అది నిజం కాలేదు. నాల్గో స్థానానికే పరిమితమైంది. మెహబూబ్ అందించిన హింట్‌తో సోహెల్ బాగా లాభపడ్డాడు.
బిగ్ బాస్ తెలుగు హిస్టరీలోనే ఫస్ట్ డబ్బులు తీసుకుని గేమ్ నుంచి బయటకు వచ్చిన కంటెస్టెంట్‌గా సోహెల్ రికార్డులు క్రియేట్ చేశాడు. అలా సోహెల్ బయటకు రావడంతో అఖిల్ అభిజిత్ టాప్2లోకి వచ్చారు. ఇక్కడ టాప్ 2లో విన్నర్‌ను ప్రకటించే విధానం అందరికీ తెలిసిందే. నాగార్జున ఇద్దరి చేతులను పట్టుకుని పైకి లేపి.. టెన్షన్ క్రియేట్ చేస్తూ… కాసేపు అందరినీ ఆందోళనకు గురి చేస్తాడు. చివరకు ఒకరి చేతిని వదిలిపెట్టి.. మిగిలిన ఒకరి చేతిని పైకి ఎత్తుతాడు.
అయితే ఈ సారి కూడా అలాగే చేశాడు నాగ్. కాకపోతే అఖిల్ చేతిని వదిలిపెట్టకుండా విసిరిపడేశాడు. ఆ ఘటన తనను బాగా బాధపెట్టిందని అఖిల్ తల్లి దుర్గ చెప్పుకొచ్చింది. ఈ మేరకు ఆమె మాట్లాడుతూ.. నాగార్జున గారు ఎపిసోడ్ మొత్తాన్ని చాలా చక్కగా నడిపించారు. విజేతను ప్రకటించే సమయంలో అఖిల్ లెఫ్ట్ హ్యాండ్ సైడ్ ఉన్నారు. కానీ ఒక్కసారిగా అఖిల్ చేతిని కిందికి విదిలించడంతో నాకు చాలా బాధ కలిగింది. అంటూ తన బాధను చెప్పుకొచ్చింది. అలా చేతిని విదిలించడంపైనా అఖిల్‌ను బాగానే ట్రోల్ చేశారు.