బిగ్ బాస్ షోలో ఎన్నో ఎమోషన్స్ బయటపడుతుంటాయి. అందులోకి వెళ్లాక పర్సనల్ లైఫ్ అంటూ ఉండదు. ప్రతీ ఒక్కరి జీవితం తెరిచిన పుస్తకమే అవుతుంది. ఏదో ఒక సందర్భంలో జీవితంలో జరిగిన ప్రతీ సంఘటన గురించి ఎవరో దగ్గరో చెప్పుకుంటారు. పర్సనల్ విషయాలను షేర్ చేసుకుంటారు. అలాంటి వాటినే బిగ్ బాస్ టీం ప్రత్యేకంగా ప్రసారం చేస్తుంది. నిన్నటి ఎపిసోడ్‌లో అలా అవినాష్ తన మనసులోని మాటను చెప్పేశాడు.
మామూలుగానే అవినాష్ తన ఎంట్రీ ప్రోమోలో ఎన్నో సంగతులు చెప్పాడు. జీవితంలో ఎన్ని దెబ్బలు తిన్నాడు.. ఎన్ని కష్టాలు ఎదుర్కొన్నాడు.. చిన్నతనంలో చదువు ఎలా సాగింది.. ఓ అమ్మాయిని గాఢంగా ప్రేమిస్తే ఎలా వదిలేసి వెళ్లిందో అంటూ చెబుతూ అందర్నీ కంటతడి పెట్టించాడు. అయితే అవినాష్ లవ్ స్టోరీ మాత్రం విషాదాంతం కావడం అతని మనసులో బలంగా నాటుకుపోయినట్టు కనిపిస్తోంది.
స్కూల్ ఏజ్‌లో మొదలైన లవ్ కాబట్టి అవినాష్ బాగా కనెక్ట్ అయినట్టు కనిపిస్తోంది. చిన్నతనం నుంచి ఆ అమ్మాయినే ప్రేమించాడట. అవినాష్ లవ్ స్టోరీ గురించి అతని తమ్ముడు అజయ్ చెప్పిన విషయాలు కూడా బాగానే వైరల్ అయ్యాయి. అయితే బ్రేకప్ అయ్యాకే అన్నయ్య కెరీర్ మీద ఫోకస్ పెట్టాడని అజయ్ చెప్పడం విశేషం. ఇదే విషయాన్ని అవినాష్ నిన్నటి ఎపిసోడ్‌లో అరియానాతో ప్రాణానికి ప్రాణంగా ప్రేమించిన అమ్మాయే నన్ను వదిలేసి పోయింది. అప్పుడే తట్టుకొని నిలబడ్డాను. దానిని భరించాను. దాని ముందు ఏదైనా తట్టుకోగలను అని అన్నాడు.
