టాలీవుడ్ సినిమా దగ్గర పరిచయం అయ్యిన హీరోయిన్స్ లో చాలా తక్కువమంది మొదటి సినిమా హిట్ అందుకోవడం గాని లేదా మొదటి హిట్ తర్వాత వరుస హిట్స్ అందుకోవడం అనేది చాలా రేర్ గా జరుగుతుంది. మరి అలాంటి హిట్స్ అందుకొని దూసుకెళ్తున్న లేటెస్ట్ మరో హీరోయిన్ నే సంయుక్త మీనన్.
“భీమ్లా నాయక్” డెబ్యూ సినిమాతో మంచి గుర్తింపు తెచ్చుకుంది. పైగా ఆ సినిమా ప్రీ రిలీస్ వేడుకలో పవర్ ఫుల్ స్పీచ్ ఇచ్చి ఎవరా ఈ అమ్మాయి అనిపించుకుంది. ఇక అక్కడ నుంచి ఒకదాని తర్వాత ఒక హిట్ అందుకొని ఇపుడు “విరూపాక్ష” కి వచ్చింది.
అయితే ఈ సినిమా హిట్ టాక్ తెచ్చుకోవడం అనేది పక్కన పెడితే ఈ సినిమాలో సర్ప్రైజ్ ప్యాక్ గా కూడా ఈమె కనిపించిందని చాలా మంది అంటున్నారు. సినిమాలో సూపర్ పెర్ఫామెన్స్ ని అయితే ఈమె కనబరిచింది అని ఇలా మొత్తానికి ఈమె ఉంటే వరుస హిట్స్ వస్తున్నాయనే ఓ టాక్ ఇపుడు గట్టిగా వినిపిస్తుంది.
అలాగే ప్రస్తుతానికి అయితే ఈమెని కూడా టాలీవుడ్ గోల్డెన్ లెగ్ అని కూడా చాలా మంది పిలుస్తున్నారు. ఇక ఈమె అయితే మరిన్ని సినిమాలు టాలీవుడ్ లో చేస్తుండగా వాటిలో కళ్యాణ్ రామ్ తో మరో సినిమా “డెవిల్” పాన్ ఇండియా లెవెల్లో ఉంది. మరి ఈ సినిమా ఎలాంటి ఫలితాన్ని అందుకుంటుందో చూడాలి.