ప్రస్తుత కాలంలో భార్యాభర్తల బంధానికి పెద్దగా ప్రాధాన్యత లేదని చెప్పాలి ఇరువురి మధ్య ఏ విధమైనటువంటి గౌరవభావం ప్రేమానురాగాలు లేకపోవడం వల్ల భార్యాభర్తల బంధం చాలా తొందరగా విచ్చిన్నమవుతుంది అయితే భార్య భర్తల మధ్య అనుబంధం ఎప్పుడైతే చక్కగా ఉంటుందో అప్పుడే ఆ కుటుంబం ఆ కుటుంబంలోని పిల్లల భవిష్యత్తు ఎంతో మెరుగ్గా తీర్చిదిద్దవచ్చు.భార్యాభర్తలు మధ్య వచ్చే చిన్న భేదాభిప్రాయాలే పెద్ద గొడవలకు దారితీసి బంధాన్ని తెగిపోయే వరకు లాగుతూ ఉంటాయి. అలా చేయడం మీ ఇద్దరికీ అంత మంచిది కాదు. ఎవరో ఒకరు ఆ క్షణం ఓపికగా ఉంటే సమస్య అంతటితో ఆగిపోతుంది.
దాంపత్య జీవితంలో భార్యాభర్తలు చిన్న చిన్న జాగ్రత్తలు తీసుకుంటే జీవిత కాలం పాటు ఎంతో ఆనందంగా జీవించవచ్చు. మీ ఆనందమైన జీవితానికి ముఖ్యంగా రెండు విషయాలను గుర్తు పెట్టుకోవాలి.
ఈ రోజుల్లో ఎక్కువ జంటలు విడిపోవడానికి ఎన్నో కారణాలు ఉన్నాయి ఇందులో ముఖ్య కారణం నేనే గొప్ప అనే గర్వం, అహంకారం ఈ ధోరణితోని చాలా జంటలు తమ బంధాన్ని మధ్యలోనే తెగదింపులు చేసుకొని విడిపోతూ తమ జీవితాన్ని సర్వనాశనం చేసుకుంటున్నారు. ప్రస్తుత కాలంలో భార్యాభర్తలిద్దరూ ఉద్యోగాలు చేస్తూ సంపాదించడం వల్ల ఇద్దరి మధ్య ఇలాంటి మనస్పర్ధలు తలెత్తుతున్నాయి. అలాకాకుండా ఏదైనా సమస్య వస్తే మొదట ఇద్దరు కూర్చుని చర్చించుకునే ప్రయత్నం చేయాలి. తప్పులను క్షమించే గుణం కలిగి ఉండాలి. కాబట్టి భార్యా భర్తలు ఒక మెట్టు దిగి ఇద్దరు కలిసి చర్చించుకోవడం ఒకరినొకరు అర్థం చేసుకుంటే మూడో వ్యక్తి ప్రమేయం అస్సలు అవసరం లేదు. మీ నిండు జీవితాన్ని సాఫీగా కొనసాగించవచ్చు.
భార్యాభర్తల మధ్య భేదాభిప్రాయాలు రావడానికి మరొక కారణం ఎవరి నిర్ణయాలు వారు సొంతంగా తీసుకోవడం, ఎవరు సంపాదన వారే ఖర్చు పెట్టుకోవడం, లేదా ఖర్చు పెట్టిన వాటికి లెక్కలు అడగడం వంటి కారణాలతో చాలామంది విడిపోతున్నారు. ఈ విధమైనటువంటి చర్చలు భార్యాభర్తల మధ్య రావడం వల్ల ఆ గొడవలు పెద్దవిగా మారి చివరికి విడిపోవడానికి కూడా కారణమవుతున్నాయి. అందుకే ఈ రెండు విషయాలలో భార్యాభర్తలు చాలా జాగ్రత్తగా ఉండటం వల్ల ఏ విధమైనటువంటి సమస్యలు తలెత్తవు.