ఈ మధ్య కాలంలో వయస్సుతో సంబంధం లేకుండా చాలామందిని మొండి రోగాలకు సంబంధించిన సమస్యలు వేధిస్తున్నాయి. అయితే సౌత్ ఇండియాలోని ఒక ఆలయాన్ని దర్శించుకోవడం ద్వారా మొండి రోగాలకు చెక్ పెట్టవచ్చు. కర్ణాటకలోని మైసూరుకు సమీపంలో ఉన్న నంజున్గఢ్ జిల్లాలో ఎంతో పాపులర్ అయిన నంజుండేశ్వర క్షేత్రం ఉంది. ఈ క్షేత్రాన్ని భక్తుల్లో చాలామంది దక్షిణ కాశీ అని పిలుస్తారు.
విషాన్ని స్వీకరించిన దేవుడి ఆలయం అని ఈ ఆలయానికి అర్థం వస్తుంది. ఈ ఆలయంలో శివలింగాన్ని గౌతమ మహర్షి ప్రతిష్టించారని ఆలయ శిలాఫలకాల ద్వారా అర్థమవుతుంది. దీర్ఘకాలిక వ్యాధులు, మొండి వ్యాధుల వల్ల ఇబ్బందులు పడుతున్న వాళ్లు ఈ ఆలయాన్ని దర్శించుకోవడం వల్ల అనుకూల ఫలితాలు చేకూరుతాయి. ఈ ఆలయంలో దేవుని మహిమ చూసి టిప్పు సుల్తాన్ పచ్చల పతకం, పచ్చల కిరీటం చేయించారని సమాచారం.
ఈ ఆలయానికి దగ్గర్లో పరశురామ క్షేత్రం ఉండగా పరశురాముడు ఇక్కడ తపస్సు చేస్తూ ఉండిపోయాడని స్థల పురాణం చెబుతోంది. నంజుండేశ్వరుడి ఆలయంను దర్శించుకునే భక్తులు మొదట పరశురామ క్షేత్రాన్ని దర్శించుకోవాలని అలా చేస్తే మాత్రమే దర్శన ఫలం దక్కుతుందని చాలామంది భావిస్తున్నారు. ఈ ఆలయంలో ఏడాదికి రెండుసార్లు ఘనంగా రథోత్సవం జరుగుతుంది.
అయిదు రథాలతో జరిగే ఈ రథోత్సవాన్ని చూడటానికి ఎక్కువ సంఖ్యలో భక్తులు హాజరవుతారు. బస్సు, రైలు మార్గాల ద్వారా ఈ ఆలయాన్ని సులువుగా చేరుకునే అవకాశాలు అయితే ఉంటాయని చెప్పవచ్చు. ఈ ఆలయాన్ని దర్శించుకునే భక్తులు భక్తిశ్రద్ధలతో దేవుడిని పూజిస్తే కోరిన కోరికలు నెరవేరే అవకాశం అయితే ఉంటుందని చెప్పవచ్చు.