పోలీస్ ఉద్యోగ ఖాళీల కోసం ఎదురు చూసేవాళ్లకు ప్రయోజనం చేకూరే విధంగా మరో భారీ జాబ్ నోటిఫికేషన్ విడుదలైంది. 1876 ఎస్ఐ పోస్టుల భర్తీ కోసం స్టాఫ్ సెలక్షన్ కమిషన్ జాబ్ నోటిఫికేషన్ ను విడుదల చేయడం గమనార్హం. ఈ జాబ్ నోటిఫికేషన్ ద్వారా సెంట్రల్ ఆర్మ్డ్ ఫోర్సెస్ సబ్ ఇన్స్పెక్టర్ (జనరల్ డ్యూటీ) ఉద్యోగ ఖాళీలతో పాటు సబ్ఇన్స్పెక్టర్(ఎగ్జిక్యూటివ్) ఉద్యోగ ఖాళీలను భర్తీ చేయనున్నారు.
సెంట్రల్ పోలీస్ ఆర్గనైజేషన్ సబ్ ఇన్ స్పెక్టర్ రిక్రూట్మెంట్ జాబ్ నోటిఫికేషన్ ద్వారా నిరుద్యోగులకు ఎంతగానో ప్రయోజనం చేకూరనుంది. 20 సంవత్సరాల నుంచి 25 సంవత్సరాల మధ్య ఉన్నవాళ్లు ఈ ఉద్యోగ ఖాళీల కోసం దరఖాస్తు చేసుకోవడానికి అర్హత కలిగి ఉంటారు. ఎస్సీ, ఎస్టీ, ఓబీసీ, ఎక్స్ సర్వీస్ మేన్ అభ్యర్థులకు వయో పరిమితిలో సడలింపులు ఉంటాయని సమాచారం అందుతోంది.
www.ssc.nic.in అధికారిక పోర్టల్ ద్వారా ఈ ఉద్యోగ ఖాళీల కోసం దరఖాస్తు చేసుకోవచ్చు. ఏదైనా స్ట్రీమ్లో బ్యాచిలర్ డిగ్రీ పూర్తి చేసిన వాళ్లు ఈ ఉద్యోగ ఖాళీల కోసం దరఖాస్తు చేసుకునే అవకాశం ఉంటుంది. మోటార్సైకిల్ అండ్ కార్ డ్రైవింగ్ లైసెన్స్ ఉన్నవాళ్లు మాత్రమే ఈ ఉద్యోగ ఖాళీల కోసం దరఖాస్తు చేసుకునే అవకాశం ఉంటుంది. రిజిష్టర్ ఐడీతో లాగిన్ అయ్యి ఈ ఉద్యోగ ఖాళీల కోసం దరఖాస్తు చేసుకోవచ్చు.
అవసరమైన డాక్యుమెంట్లను అప్ లోడ్ చేసి దరఖాస్తు ఫీజు చెల్లించాల్సి ఉంటుంది. జనరల్, ఓబీసీ అభ్యర్థులకు దరఖాస్తు ఫీజు 100 రూపాయలుగా ఉండనుంది. ఎస్సీ, ఎస్టీ, మహిళ అభ్యర్థులకు ఫీజు మినహాయింపు ఇచ్చారని సమాచారం అందుతోంది. రాత పరీక్ష, ఫిజికల్ ఎఫిషియెన్సీ టెస్ట్/ఫిజికల్ స్టాండర్డ్ టెస్ట్, మరో రాతపరీక్ష, మెడికల్ ఎగ్జామినేషన్ టెస్ట్ ద్వారా ఈ ఉద్యోగ ఖాళీల భర్తీ జరగనుంది.