బనారస్ లోకోమోటివ్ వర్క్స్ నిరుద్యోగులకు తీపికబురు అందించింది. పది, ఐటీఐ సర్టిఫికెట్ అర్హతలతో రైల్వేలో ఉద్యోగం పొందాలని భావించే వాళ్లకు ఇది సువర్ణావకాశం అనే చెప్పాలి. blw.indianrailways.gov.in వెబ్ సైట్ ద్వారా ఈ ఉద్యోగ ఖాళీల కోసం దరఖాస్తు చేసుకోవచ్చు. మొత్తం 374 ఉద్యోగ ఖాళీలను ఈ జాబ్ నోటిఫికేషన్ ద్వారా భర్తీ చేయనున్నారు.
నవంబర్ 25వ తేదీలోపు లేదా అంతకంటే ముందు అర్హత, ఆసక్తి ఉన్న అభ్యర్థులు ఈ ఉద్యోగ ఖాళీల కోసం దరఖాస్తు చేసుకోవచ్చు. దరఖాస్తులకు సంబంధించిన పత్రాలను మాత్రం నవంబర్ నెల 27వ తేదీలోగా పంపాల్సి ఉంటుంది. ఈ ఉద్యోగ ఖాళీలలో ఐటీఐ సీట్లు 300 ఉండగా నాన్ ఐటీఐ సీట్లు 74 ఉన్నాయి. పదో తరగతి లేదా దానికి సమానమైన పరీక్షలో పాసైన వాళ్లు ఈ ఉద్యోగాలకు అర్హులు.
కనీసం 50 శాతం మార్కులతో గుర్తింపు పొందిన బోర్డు నుండి 10వ తరగతి పరీక్ష ఉన్న సమానమైన పరీక్షలో ఉత్తీర్ణులై ఉండటంతో పాటు సంబంధిత ట్రేడ్‌లలో ఐటీఐ సర్టిఫికెట్ ను కలిగి ఉన్నవాళ్లు ఈ ఉద్యోగ ఖాళీల కోసం దరఖాస్తు చేసుకునే ఛాన్స్ అయితే ఉంటుంది. 15 నుండి 22 సంవత్సరాల మధ్య వయస్సు ఉన్న నాన్ ఐటీఐ అభ్యర్థులు 15 నుండి 24 సంవత్సరాల మధ్య వయస్సు ఉన్న ఐటీఐ అభ్యర్థులు ఈ ఉద్యోగాలకు అర్హులు.
డెబిట్/క్రెడిట్ లేదా ఇంటర్నెట్ బ్యాంకింగ్ ద్వారా ఫీజును చెల్లించాల్సి ఉంటుంది. సంస్థ అధికారిక వెబ్ సైట్ ద్వారా ఈ ఉద్యోగ ఖాళీలకు సంబంధించిన పూర్తి వివరాలను తెలుసుకోవచ్చు. ప్రతి యూనిట్‌లోని మెరిట్ ఆధారంగా ఈ ఉద్యోగ ఖాళీలకు సంబంధించిన సందేహాలను నివృత్తి చేసుకోవచ్చు.