కేంద్ర ప్రభుత్వ రంగ సంస్థ ఆయిల్ అండ్ నేచురల్ గ్యాస్ కార్పొరేషన్ లిమిటెడ్ నిరుద్యోగులకు అదిరిపోయే తీపికబురు అందించింది. వేర్వేరు విభాగాలలో కన్సల్టెంట్ ఉద్యోగ ఖాళీల భర్తీ కోసం జాబ్ నోటిఫికేషన్ ను విడుదల చేసింది. కాంట్రాక్ట్ ప్రాతిపదిక ఈ ఉద్యోగ ఖాళీలను భర్తీ చేస్తుండగా జూనియర్ కన్సల్టెంట్స్/అసోసియేట్ కన్సల్టెంట్ ఉద్యోగ ఖాళీలను భర్తీ చేయనున్నారని సమాచారం అందుతోంది.
అర్హత, అనుభవం ఉన్నవాళ్లు వెంటనే ఈ ఉద్యోగ ఖాళీలకు దరఖాస్తు చేసుకోవాల్సి ఉంటుంది. మొత్తం 12 ఉద్యోగ ఖాళీలను ఈ జాబ్ నోటిఫికేషన్ ద్వారా భర్తీ చేయనున్నారు. డ్రిల్లింగ్ ఫీల్డ్ ఆపరేషన్స్‌లో కనీసం 5 సంవత్సరాల అనుభవం ఉన్నవాళ్లు ఈ ఉద్యోగ ఖాళీలకు అర్హులు కాగ జనవరి నెల 12వ తేదీ ఈ ఉద్యోగ ఖాళీలకు దరఖాస్తు చేయడానికి చివరి తేదీగా ఉండనుందని తెలుస్తోంది.
ఈ ఉద్యోగ ఖాళీలకు దరఖాస్తు చేసుకునే వాళ్లు కచ్చితంగా కొన్ని అర్హతలు కలిగి ఉండాలి. 65 సంవత్సరాల లోపు వయస్సు ఉన్నవాళ్లు ఈ ఉద్యోగాలకు దరఖాస్తు చేసుకోవాల్సి ఉంటుంది. kumar_vinod12@ongc.co.in ఈమెయిల్ కు దరఖాస్తుతో పాటు అవసరమైన అన్ని డాక్యుమెంట్లను అందజేయాల్సి ఉంది. రాత పరీక్ష, ఇంటర్వ్యూ ఆధారంగా ఈ ఉద్యోగాలకు అభ్యర్థులను షార్ట్ లిస్ట్ చేస్తారు.
ఈ ఉద్యోగ ఖాళీలకు ఎంపికైన వాళ్లకు 27 వేల రూపాయల నుంచి 42 వేల రూపాయల వరకు వేతనం లభించనుంది. ఈ ఉద్యోగాలకు ఎంపికైన వాళ్లకు కన్వేయన్స్ ఖర్చులు, అకామడేషన్ ఖర్చులను సైతం చెల్లించనున్నారని తెలుస్తోంది. అర్హత, ఆసక్తి ఉన్నవాళ్లు వెంటనే ఈ ఉద్యోగ ఖాళీల కోసం దరఖాస్తు చేసుకుంటే మంచిది.