ఇండియన్ పోస్టల్ డిపార్ట్‌మెంట్‌ నిరుద్యోగులకు తీపికబురు అందించింది. 78 డ్రైవర్ (ఆర్డినరీ గ్రేడ్) పోస్టుల భర్తీ కోసం జాబ్ నోటిఫికేషన్ ను విడుదల చేసింది. indiapost.gov.in వెబ్ సైట్ ద్వారా ఈ ఉద్యోగ ఖాళీల కోసం దరఖాస్తు చేసుకునే అవకాశం ఉంటుంది. అర్హత, ఆసక్తి ఉన్న అభ్యర్థులు ఆన్ లైన్ ద్వారా ఈ ఉద్యోగ ఖాళీల కోసం దరఖాస్తు చేసుకోవచ్చు. ఇప్పటికే ఈ పోస్టుల కోసం దరఖాస్తు ప్రక్రియ ప్రారంభమైంది.
ఫిబ్రవరి నెల 16వ తేదీ ఈ ఉద్యోగ ఖాళీలకు సంబంధించిన హార్డ్ కాపీని పంపించడానికి చివరి తేదీగా ఉండనుంది. 18 సంవత్సరాల నుంచి 27 సంవత్సరాల మధ్య వయస్సు ఉన్నవాళ్లు ఈ ఉద్యోగాల కోసం దరఖాస్తు చేసుకోవచ్చు. రెండు దశలలో ఈ ఉద్యోగాలకు అభ్యర్థుల ఎంపిక ప్రక్రియ జరుగుతుంది. ఫేజ్ 1 లో అర్హత సాధించిన అభ్యర్థులు ఫేజ్ 2కు హాజరు కావాల్సి ఉండగా రెండు జాబితాలలో అర్హత సాధించిన వాళ్లు తుది మెరిట్ జాబితాకు అర్హులు అవుతారు.
గుర్తింపు పొందిన బోర్డ్ నుంచి పదో తరగతి పాసైన వాళ్లు ఈ ఉద్యోగాలకు అర్హులు కాగా హెవీ డ్రైవింగ్ అనుభవం మరియు చెల్లుబాటు అయ్యే లైసెన్స్ కలిగి ఉన్నవాళ్లు ఈ ఉద్యోగాల కోసం దరఖాస్తు చేసుకోవచ్చు. మెయిల్ మోటార్ సర్వీస్ కాన్పూర్, gpo కాంపౌండ్, కాన్పూర్- 208001, ఉత్తరప్రదేశ్ చిరునామాకు ఈ ఉద్యోగాలకు సంబంధించిన దరఖాస్తులను పంపాలి.
ఈ ఉద్యోగాలకు ఎంపికైన వాళ్లకు నెలకు 63 వేల రూపాయల వరకు వేతనం లభించనుండగా అర్హతల ఆధారంగా ఈ ఉద్యోగానికి దరఖాస్తు చేసుకుంటే మంచిది. వరుస జాబ్ నోటిఫికేషన్ల ద్వారా నిరుద్యోగులకు పరోక్షంగా ఊహించని స్థాయిలో బెనిఫిట్ కలుగుతుందని అభిప్రాయాలు వ్యక్తమవుతున్నాయి.