నవోదయ విద్యాలయ సమితి నిరుద్యోగులకు తీపికబురు చెప్పింది. 7500 ఉద్యోగ ఖాళీల భర్తీ కోసం ఈ సంస్థ నుంచి జాబ్ నోటిఫికేషన్ విడుదలైంది. ఈ జాబ్ నోటిఫికేషన్ ద్వారా టీచింగ్ ఉద్యోగ ఖాళీలతో పాటు నాన్ టీచింగ్ ఉద్యోగ ఖాళీల భర్తీ కూడా జరగనుంది. navodaya.gov.in వెబ్ సైట్ ద్వారా ఈ ఉద్యోగ ఖాళీల కోసం దరఖాస్తు చేసుకునే అవకాశం అయితే ఉంటుందని చెప్పవచ్చు.
ఈ జాబ్ నోటిఫికేషన్ ద్వారా ముఖ్యంగా పీజీటీ(ఫిజికల్ ఎడ్యుకేషన్), పీజీటీ(మోడ్రన్ ఇండియన్ లాంగ్వేజ్), టీజీటీ (ఆర్ట్), టీజీటీ (కంప్యూటర్ సైన్స్), కేటరింగ్ సూపర్వైజర్, ఎలక్ట్రిన్ సూపర్ వైజర్ ఉద్యోగ ఖాళీలను భర్తీ చేయనున్నారని సమాచారం అందుతోంది. పీజీటీ(కంప్యూటర్ సైన్స్) ఉద్యోగ ఖాళీలు 306 ఉండగా 40 ఏళ్ల లోపు వయస్సు ఉన్నవాళ్లు ఈ ఉద్యోగ ఖాళీలకు అర్హులు.
పీజీటీ(ఫిజికల్ ఎడ్యుకేషన్) ఉద్యోగ ఖాళీలు 91 ఉండగా ఈ ఉద్యోగాలకు సైతం 40 సంవత్సరాల లోపు వయస్సు ఉన్నవాళ్లు అర్హత కలిగి ఉంటారు. పీజీటీ మోడ్రన్ ఇండియన్ లాంగ్వేజ్ ఉద్యోగ ఖాళీలు 46 ఉండగా బీఈడీ పాసైన వాళ్లు ఈ ఉద్యోగాలకు అర్హులు. ఈ ఉద్యోగాలకు సైతం అభ్యర్థుల వయస్సు 40 ఏళ్లుగా ఉంది. టీజీటీ (కంప్యూటర్ సైన్స్) ఉద్యోగ ఖాళీలు 649 ఉండగా 35 ఏళ్లలోపు వయస్సు ఉన్నవాళ్లు ఈ ఉద్యోగాలకు అర్హులు.
టీజీటీ (ఫిజికల్ ఎడ్యుకేషన్) ఉద్యోగాలు 1244 ఉండగా 35 ఏళ్ల లోపు వయస్సు ఉన్నవాళ్లు ఈ ఉద్యోగాల కోసం దరఖాస్తు చేసుకోవచ్చు. టీజీటీ(మ్యూజిక్) ఉద్యోగాలకు మ్యూజిక్ లో డిగ్రీ పూర్తి చేసిన అభ్యర్థులు అర్హత కలిగి ఉంటారు. ఉద్యోగ ఖాళీలను బట్టి అర్హత ప్రమాణాలు, నిబంధనలలో మార్పులు ఉంటాయని తెలుస్తోంది. navodaya.gov.in వెబ్ సైట్ ద్వారా ఈ ఉద్యోగ ఖాళీల కొరకు దరఖాస్తు చేసుకునే ఛాన్స్ అయితే ఉంటుంది.