ఏపీలోని నెల్లూరు సెంట్రల్ జైలులో వేర్వేరు ఉద్యోగ ఖాళీల భర్తీ కోసం జాబ్ నోటిఫికేషన్ విడుదలైంది. వైర్ మెన్, బార్బర్ తో పాటు టైలరింగ్ ఇన్ స్ట్రక్టర్ గ్రేడ్ ఉద్యోగ ఖాళీలను ఈ జాబ్ నోటిఫికేషన్ ద్వారా భర్తీ చేయనున్నారు. ఔట్ సోర్సింగ్ విధానం ద్వారా ఈ ఉద్యోగ ఖాళీల భర్తీ జరగనుంది. మొత్తం 3 పోస్టులను ఈ జాబ్ నోటిఫికేషన్ ద్వారా భర్తీ చేయనున్నారని సమాచారం అందుతోంది.
టైలరింగ్ ఇన్ స్ట్రక్టర్ గ్రేడ్ 2 ఉద్యోగ ఖాళీ 1 ఉండగా వైర్ మ్యాన్ జాబ్ 1, బార్బర్ జాబ్ 1 ఉన్నాయి. ఏడో తరగతి,పదో తరగతి, ఐటీఐలో ఉత్తీర్ణత సాధించిన వాళ్లు ఈ ఉద్యోగ ఖాళీలకు అర్హత కలిగి ఉంటారు. అర్హతతో పాటు అనుభవం ఉన్నవాళ్లు ఈ ఉద్యోగాల కొరకు దరఖాస్తు చేసుకునే ఛాన్స్ అయితే ఉంటుంది. 18 నుంచి 42 సంవత్సరాల మధ్య వయస్సు ఉన్నవాళ్లు ఈ ఉద్యోగ ఖాళీలకు అర్హులు.
ఈ ఉద్యోగ ఖాళీలకు దరఖాస్తు చేసుకునే అభ్యర్థులకు 15000 రూపాయల నుంచి 18500 రూపాయల వరకు వేతనం లభిస్తుంది. ఆఫ్ లైన్ విధానం ద్వారా ఈ ఉద్యోగ ఖాళీల కోసం దరఖాస్తు చేసుకునే ఛాన్స్ అయితే ఉంటుంది. 2024 సంవత్సరం ఫిబ్రవరి 24వ తేదీ ఈ ఉద్యోగ ఖాళీలకు దరఖాస్తు చేసుకోవడానికి చివరి తేదీగా ఉంది. అకాడమిక్స్ లో సాధించిన మార్కులతో పాటు అనుభవం, స్కిల్ టెస్ట్ ద్వారా సాధించిన మార్కుల ఆధారంగా ఉద్యోగాలకు ఎంపిక చేస్తారు.
https://spsnellore.ap.gov.in/prisons-department/ వెబ్ సైట్ ద్వారా ఈ ఉద్యోగ ఖాళీలకు సంబంధించిన ఇతర వివరాలను తెలుసుకోవచ్చు. cp-nellore@ap.gov.in ఈమెయిల్ ద్వారా సందేహాలను నివృత్తి చేసుకోవచ్చు. సూపరిన్డెంట్ ఆఫ్ జైల్స్ నెల్లూరు అడ్రస్ కు ఈ ఉద్యోగ ఖాళీలకు సంబంధించిన దరఖాస్తులను పంపాల్సి ఉంటుందని సమాచారం అందుతోంది.