నేషనల్ ఇన్ స్టిట్యూట్ ఆఫ్ న్యూట్రిషిన్ నిరుద్యోగులకు తీపికబురు అందించింది. 116 ఉద్యోగ ఖాళీల భర్తీ కోసం ఈ సంస్థ నుంచి జాబ్ నోటిఫికేషన్ విడుదలైంది. టెక్నికల్ అసిస్టెంట్, టెక్నీషియన్ పోస్టులు, ల్యాబొరేటరీ అటెండెంట్ ఉద్యోగ ఖాళీలు ఈ జాబ్ నోటిఫికేషన్ ద్వారా భర్తీ కానున్నాయని తెలుస్తోంది. టెక్నీషియన్ పోస్టులు ఉద్యోగ ఖాళీలు 33 ఉండగా టెక్నికల్ అసిస్టెంట్ ఉద్యోగ ఖాళీలు 45, ల్యాబొరేటరీ అటెండెంట్ ఉద్యోగ ఖాళీలు 38 ఉన్నాయి.
ఈ ఉద్యోగ ఖాళీలకు ఎంపికైన వాళ్లకు 19,900 రూపాయల నుంచి 63200 రూపాయల వరకు వేతనం లభించనుంది. www.nin.res.in వెబ్ సైట్ ద్వారా ఈ ఉద్యోగ ఖాళీల కోసం దరఖాస్తు చేసుకోవచ్చు. నిన్నటి నుంచి ఈ ఉద్యోగ ఖాళీల కోసం దరఖాస్తు ప్రక్రియ మొదలు కాగా ఈ ఏడాది ఆగష్టు నెల 14వ తేదీ ఈ ఉద్యోగ ఖాళీలకు దరఖాస్తు చేసుకోవడానికి చివరి తేదీగా ఉండనుంది.
ల్యాబొరేటరీ అటెండెంట్ ఉద్యోగాలకు 18 నుంచి 25 సంవత్సరాలు ఉన్నవాళ్లు అర్హులు కాగా టెక్నీషియన్ ఉద్యోగాలకు 28 సంవత్సరాల లోపు వయస్సు ఉన్నవాళ్లు అర్హత కలిగి ఉంటారు. టెక్నికల్ అసిస్టెంట్ ఉద్యోగ ఖాళీలకు మాత్రం 30 సంవత్సరాల లోపు వయస్సు ఉన్నవాళ్లు అర్హత కలిగి ఉంటారని సమాచారం అందుతోంది. ల్యాబొరేటర్ అటెండెంట్ ఉద్యోగాలకు సంబంధిత ట్రేడ్ లో ఐటీఐ పూర్తి చేసి కనీసం ఏడాది అర్హత ఉన్నవాళ్లు దరఖాస్తు చేసుకోవచ్చు.
టెక్నికల్ అసిస్టెంట్ ఉద్యోగాలకు దరఖాస్తు చేసుకునే వాళ్లు మెడికల్ లాబొరేటరీ టెక్నాలజీలో ఏడాది డిప్లొమాను కలిగి ఉండాలి. ఫస్ట్ క్లాస్ లో డిగ్రీ పాసైన వాళ్లు ఈ ఉద్యోగ ఖాళీల కోసం దరఖాస్తు చేసుకోవచ్చు. ఈ ఉద్యోగ ఖాళీలకు సంబంధించి ఏవైనా సందేహాలు ఉంటే వెబ్ సైట్ ద్వారా నివృత్తి చేసుకునే అవకాశం ఉంటుంది.