మనలో చాలామంది నిత్య యవ్వనంగా కనిపించడానికి తెగ ఆరాటపడుతుంటారు.అందుకు తగ్గట్టుగా మార్కెట్లో దొరికే రకరకాల బ్యూటీ ప్రొడక్ట్స్ తరచూ ఉపయోగించడంతో పాటు బ్యూటీ పార్లర్ చుట్టూ తిరుగుతూ మరిన్ని అనారోగ్య సమస్యలు కొన్ని తెచ్చుకుంటున్నారు.అలాకాకుండా సహజ పద్ధతుల్లో సంపూర్ణ ఆరోగ్యాన్ని పొందడంతో పాటు వృద్ధాప్య ఛాయాలను తగ్గించి నిత్య యవ్వనంగా కనిపించాలంటే రోజువారి ఆహారంలో మెదడు ఆరోగ్యాన్ని పరిరక్షించే ఆహార పదార్థాలను ఎక్కువగా తినాలి కారణం మన శరీరంలో అన్ని అవయవాలను సమన్వయపరిచే శక్తి ఒక మెదడుకు మాత్రమే ఉంటుంది.
మెదడు ఆరోగ్యానికి సహాయపడే ఔషధ గుణాలతో పాటు పోషిక విలువలు సమృద్ధిగా ఉన్న ఆహార పదార్థాల గురించి ఇప్పుడు తెలుసుకుందాం. కొన్ని అధ్యయనాల ప్రకారం అవకాడో ఫ్రూట్స్ లో ఉన్న శక్తివంతమైన యాంటీ ఆక్సిడెంట్సు, విటమిన్ సి, మోనోఅన్‌శాచురేటెడ్ కొవ్వుల, విటమిన్ b6, విటమిన్ బి12 మెదడు కండరాలను దృఢపరిచి
మెదడు కార్యకలాపాలను వేగవంతం చేయడానికి ఉపయోగపడతాయి. అలాగే అవకాడోలో యాంటి ఏజింగ్ లక్షణాలు ఎక్కువగా ఉండి చర్మ సంరక్షణలో సహాయపడి వృద్ధాప్య ఛాయాలను అరికడుతుంది.
ప్రతిరోజు ఉడకబెట్టిన గుడ్డును ఆహారంగా తీసుకుంటే మీలో పోషకాహార లోపం తొలగిపోవడమే కాకుండా మెదడు ఆరోగ్యానికి చర్మ సౌందర్యానికి సహాయపడే ప్రోటీన్స్, అమైనో ఆమ్లాల, యాంటీ ఇన్ఫ్లమేటరీ గుణాలు, విటమిన్ ఏ సమృద్ధిగా లభిస్తాయి. అలాగే ప్రతిరోజు ఉదయం సాయంత్రం గ్లాసుడు పాలను తాగే వారిలో వృద్ధాప్య ఛాయలు ఆలస్యమవుతాయని నిపుణులు చెబుతున్నారు. విటమిన్ సి, విటమిన్ ఏ సమృద్ధిగా కలిగిన సిట్రస్ జాతి పలాలైన నిమ్మ ,నారింజ ,బత్తాయి వంటి పండ్ల రసాలను ప్రతిరోజు తీసుకుంటే పొడిబారిన చర్మంపై మృత కణాలు తొలగిపోయి ముడతలు తగ్గి చర్మం కాంతివంతంగా తయారవుతుంది. రోజువారి ఆహారంలో గోధుమ రొట్టెలను ఆహారంగా తీసుకుంటే
గోధుమ ధాన్యంలో సమృద్ధిగా లభించే ప్రోటీన్స్, కార్బోహైడ్రేట్స్, విటమిన్స్ శారీరక మానసిక దృఢత్వాన్ని పెంపొందించడమే కాకుండ మీలో వృద్ధాప్య లక్షణాలను తగ్గిస్తాయి.