బోర్డర్ సెక్యూరిటీ ఫోర్స్ నిరుద్యోగులకు అదిరిపోయే తీపికబురు అందించింది. బోర్డర్ సెక్యూరిటీ ఫోర్స్ లో పని చేయాలని భావించే వాళ్ల కోసం వేర్వేరు జాబ్ నోటిఫికేషన్లను విడుదల చేసింది. ఈ జాబ్ నోటిఫికేషన్ ద్వారా వర్క్‌షాప్, వెటర్నరీ స్టాఫ్, లైబ్రేరియన్‌ ఉద్యోగ ఖాళీలతో పాటు పారామెడికల్ స్టాఫ్ ఉద్యోగ ఖాళీలను భర్తీ చేయనున్నారు. మొత్తం 141 ఉద్యోగ ఖాళీలు ఈ జాబ్ నోటిఫికేషన్ ద్వారా భర్తీ కానున్నాయి.
ఈ ఉద్యోగ ఖాళీలకు ఇప్పటికే దరఖాస్తు ప్రక్రియ మొదలు కాగా bsf.gov.in వెబ్ సైట్ ద్వారా ఈ ఉద్యోగ ఖాళీలకు దరఖాస్తు చేసుకోవచ్చు. 2024 సంవత్సరం జూన్ 16వ తేదీ ఈ ఉద్యోగ ఖాళీలకు దరఖాస్తు చేసుకోవడానికి చివరి తేదీగా ఉంది. అధికారిక నోటిఫికేషన్‌లో ఇచ్చిన అన్ని అర్హతలను కలిగి ఉన్నవాళ్లు ఈ ఉద్యోగ ఖాళీల కోసం సులభంగానే దరఖాస్తు చేసుకునే అవకాశాలు అయితే ఉంటాయని చెప్పవచ్చు.
నోటిఫికేషన్ ప్రకారం వయోపరిమితిని కలిగి ఉన్న అభ్యర్థులు ఈ ఉద్యోగాలకు అర్హులు. జనరల్ అభ్యర్థులకు ఈ ఉద్యోగ ఖాళీలకు సంబంధించి 100 రూపాయలు దరఖాస్తు ఫీజు కాగా మిగతా అభ్యర్థులకు మాత్రం ఎలాంటి దరఖాస్తు ఫీజు లేదు. రాతపరీక్ష, స్కిల్ టెస్ట్, వైద్య పరీక్ష, సర్టిఫికెట్ల పరిశీలన, ఇతర పరీక్షల ద్వారా ఈ ఉద్యోగ ఖాళీలకు సంబంధించి ఎంపిక ప్రక్రియ జరగనుంది.
rectt.bsf.gov.in వెబ్ సైట్ ద్వారా ఈ ఉద్యోగ ఖాళీల కోసం సులభంగా దరఖాస్తు చేసుకునే ఛాన్స్ అయితే ఉంటుందని చెప్పవచ్చు. భవిష్యత్తు అవసరాల కోసం దరఖాస్తు చేసిన ఫారమ్ ను సేవ్ చేసుకుంటే మంచిది. ఈ ఉద్యోగ ఖాళీలకు ఎంపికైన వాళ్లకు గరిష్టంగా 1,12,000 రూపాయల వేతనం లభించనుందని తెలుస్తోంది. ఈ ఉద్యోగ ఖాళీలకు సంబంధించిన సందేహాలను వెబ్ సైట్ ద్వారా నివృత్తి చేసుకోవచ్చు.