బ్యాంక్ నోట్ ప్రెస్, దేవాస్ నిరుద్యోగులకు అదిరిపోయే తీపికబురు అందించింది. వేర్వేరు ఉద్యోగ ఖాళీల భర్తీ కోసం ఈ సంస్థ నుంచి తాజాగా జాబ్ నోటిఫికేషన్ విడుదలైంది. జూనియర్ ఆఫీస్ అసిస్టెంట్, జూనియర్ టెక్నీషియన్, సూపర్ వైజర్ ఉద్యోగ ఖాళీలను ఈ జాబ్ నోటిఫికేషన్ ద్వారా భర్తీ చేయనున్నారని సమాచారం అందుతోంది. ఆగష్టు నెల 21వ తేదీ ఈ ఉద్యోగ ఖాళీలకు దరఖాస్తు చేసుకోవడానికి చివరి తేదీగా ఉండనుంది.
bnpdewas.spmsil.com వెబ్ సైట్ లింక్ ద్వారా ఈ ఉద్యోగ ఖాళీల కోసం దరఖాస్తు చేసుకునే అవకాశం అయితే ఉంటుందని చెప్పవచ్చు. త్వరలో పరీక్షలకు సంబంధించి పూర్తి తేదీలకు సంబంధించిన ప్రకటనలు వెలువడనున్నాయి. ఈ జాబ్ నోటిఫికేషన్ ద్వారా మొత్తం 111 ఉద్యోగ ఖాళీల భర్తీ జరగనుంది. టెక్నీషియన్లు, జూనియర్ ఆఫీస్ అసిస్టెంట్లు , ఇతర ఉద్యోగాలను ఈ జాబ్ నోటిఫికేషన్ ద్వారా భర్తీ చేయనున్నారు.
విద్యార్హత ఆధారంగా పోస్టులకు సంబంధించి మార్పులు ఉంటాయి. సూపర్ వైజర్ ప్రింటింగ్ ఉద్యోగాలకు ప్రింటింగ్ టెక్నాలజీలో డిప్లామా లేదా బీటెక్ పూర్తి చేసిన వాళ్లు అర్హత కలిగి ఉంటారని సమాచారం. సూపర్ వైజర్ కంట్రోల్ ఉద్యోగాలకు ప్రింటింగ్ లేదా మెకానికల్ లేదా ఎలక్ట్రికల్ లేదా ఎలక్ట్రానిక్స్ లో డిప్లొమా లేదా బీటెక్ చేసిన వాళ్లు అర్హత కలిగి ఉంటారని సమాచారం అందుతోంది.
కంప్యూటర్ సైన్స్ లో డిప్లొమా లేదా బీటెక్ చేసిన వాళ్లు సూపర్ వైజర్ ఐటీ ఉద్యోగ ఖాళీలకు అర్హులు. డిగ్రీ లేదా ఐటీఐ పూర్తి చేసిన వాళ్లు జూనియర్ అసిస్టెంట్, జూనియర్ ఆఫీసర్ ఉద్యోగాలకు అర్హులు. జరనల్, ఓబీసీ, ఈడబ్ల్యూఎస్ ఉద్యోగాలకు దరఖాస్తు ఫీజు 600 రూపాయలు కాగా ఎస్సీ, ఎస్టీ, పీడబ్ల్యూడీ కేటగిరీలకు దరఖాస్తు ఫీజు 200 రూపాయలుగా ఉండనుంది. వరుస జాబ్ నోటిఫికేషన్ల ద్వారా నిరుద్యోగులకు మేలు జరుగుతోంది.