మనలో చాలామంది అర్హత ఉన్నా సరైన ఉద్యోగం లేక కెరీర్ పరంగా ఎన్నో ఇబ్బందులను ఎదుర్కొంటూ ఉంటారు. ఆంధ్ర ప్రదేశ్ రాష్ట్ర నైపుణ్య అభివృద్ధి సంస్థ నిరుద్యోగులకు తీపికబురు అందించింది. 84 కంపెనీల్లో ఉద్యోగ ఖాళీల భర్తీకి ఈ సంస్థ సిద్ధమైంది. పది, ఇంటర్, డిగ్రీ అర్హతతో ఈ ఉద్యోగ ఖాళీలను భర్తీ చేయనున్నారని సమాచారం అందుతోంది. ఏపీఎస్ఎస్ డీసీ, సీడాక్ సంయుక్తంగా ఈ జాబ్ మేళాను నిర్వహిస్తున్నాయి.
విజయనగరంలోని సీతం ఇంజినీరింగ్ కాలేజ్ లో ఈ జాబ్ మేళాను నిర్వహించనున్నారు. అర్హత, ఆసక్తి ఉన్న అభ్యర్థులు ఈ నెల 31వ తేదీన ఈ జాబ్ మేళాకు హాజరు కావాల్సి ఉంటుంది. ఉదయం 9 గంటల నుంచి సాయంత్రం 3 గంటల వరకు ఈ జాబ్ మేళాను నిర్వహిస్తారు. ఐటీ, ఫార్మా, రిటైల్, మెడికల్, ఆటో మొబైల్, ఇతర రంగాలకు సంబంధించిన కంపెనీలు ఈ జాబ్ మేళాలో పాల్గొననున్నాయి.
ప్రముఖ కంపెనీలు ఈ జాబ్ మేళాలో పాల్గొననుండగా భారీ సంఖ్యలో నిరుద్యోగులు ఈ జాబ్ మేళాకు హాజరయ్యే ఛాన్స్ అయితే ఉందని తెలుస్తోంది. 18 సంవత్సరాల నుంచి 35 సంవత్సరాల మధ్య వయస్సు ఉన్న నిరుద్యోగులు ఈ ఉద్యోగ ఖాళీలకు సులువుగా దరఖాస్తు చేసుకునే అవకాశం అయితే ఉంటుందని చెప్పవచ్చు. పది, ఇంటర్, డిగ్రీ పూర్తి చేసిన నిరుద్యోగులు ఈ ఉద్యోగాల కోసం దరఖాస్తు చేసుకోవచ్చు.
పాన్ కార్డు, ఆధార్ కార్డు, సర్టిఫికెట్లతో ఈ ఉద్యోగ ఖాళీలకు హాజరు కావాల్సి ఉంటుంది. చింతూరు ఐటీడీఏ కార్యాలయంలో సంప్రదించడం ద్వారా ఈ ఉద్యోగ ఖాళీలకు సంబంధించిన సందేహాలను నివృత్తి చేసుకునే ఛాన్స్ అయితే ఉంటుంది. ఈ జాబ్ నోటిఫికేషన్ ద్వారా నిరుద్యోగులకు ప్రత్యక్షంగా, పరోక్షంగా బెనిఫిట్ కలగనుంది.