ఆంధ్రప్రదేశ్ రాష్ట్రంలోని నిరుద్యోగులకు ప్రయోజనం చేకూరేలా మరో జాబ్ నోటిఫికేషన్ విడుదలైంది. అనకాపల్లి జిల్లాలోని వేర్వేరు గ్రామాల్లో అంగన్ వాడీ కార్యకర్త, మినీ అంగన్ వాడీ కార్యకర్త, హెల్పర్ ఉద్యోగ ఖాళీలను భర్తీ చేయనున్నారు. అర్హత, ఆసక్తి ఉన్న ఓసీ అభ్యర్థులు ఈ ఉద్యోగ ఖాళీల కోసం దరఖాస్తు చేసుకోవచ్చు. నిరుద్యోగులకు ఈ జాబ్ నోటిఫికేషన్ ద్వారా ప్రయోజనం చేకూరనుంది.
అనకాపల్లి డివిజన్ లో కార్యకర్త పోస్టులు 3 ఉండగా ఆయాల ఉద్యోగ ఖాళీలు 37 ఉన్నాయి. మినీ కార్యకర్త ఉద్యోగ ఖాళీలు మాత్రం 8 ఉండగా మొత్తం 48 ఉద్యోగ ఖాళిలను భర్తీ చేయనున్నారు. నర్సీపట్నం డివిజన్ విషయానికి వస్తే కార్యకర్త పోస్టులు 6 ఉండగా ఆయాల ఉద్యోగ ఖాళీలు 17, మినీ కార్యకర్త జాబ్ 1 ఉంది. మొత్తం 24 ఉద్యోగ ఖాళీలు ఈ జాబ్ నోటిఫికేషన్ ద్వారా భర్తీ కానున్నాయని తెలుస్తోంది.
21 సంవత్సరాల నుంచి 35 సంవత్సరాల లోపు వయస్సు ఉన్న మహిళా అభ్యర్థులు ఈ ఉద్యోగ ఖాళీలకు అర్హులు. కనీసం పదో తరగతి చదివిన మహిళలు ఈ ఉద్యోగ ఖాళీల కోసం దరఖాస్తు చేసుకోవచ్చు. డిసెంబర్ నెల 4వ తేదీ సాయంత్రం 5 గంటల్లోగా శిశు, అభివృద్ధి పథకం అధికారి, ఐసీడీఎస్ ప్రాజెక్ట్ కార్యాలయానికి ఈ ఉద్యోగాలకు సంబంధించిన దరఖాస్తులను పంపవచ్చు.
అంగన్ వాడీ జాబ్స్ కు పోటీ ఎక్కువగానే ఉండగా అర్హత, ఆసక్తి ఉన్నవాళ్లకు సులువుగానే జాబ్ లభించే అవకాశం ఉన్న నేపథ్యంలో ఈ ఉద్యోగాలకు వెంటనే దరఖాస్తు చేసుకుంటే మంచిది. వరుసగా జాబ్ నోటిఫికేషన్ల ద్వారా నిరుద్యోగులకు ఊహించని స్థాయిలో ప్రయోజనం చేకూరనుంది.