పశ్చిమ బెంగాల్ రాష్ట్రం కోల్ కతాలోని రైల్వే రిక్రూట్మెంట్ సెల్ సౌత్ ఈస్ట్రన్ రైల్వే నిరుద్యోగులకు తీపికబురు అందించింది. అప్రెంటీస్ శిక్షణ కొరకు అర్హత ఉన్న అభ్యర్థుల నుంచి ఈ సంస్థ దరఖాస్తులను కోరుతోంది. ఆన్ లైన్ ద్వారా ఈ ఉద్యోగ ఖాళీల కోసం దరఖాస్తు చేసుకునే అవకాశం అయితే ఉంటుందని చెప్పవచ్చు. డిసెంబర్ 27వ తేదీ ఈ ఉద్యోగాలకు దరఖాస్తు చేసుకోవడానికి చివరి తేదీగా ఉంది.
పదో తరగతి, ఐటీఐ మర్కుల ఆధారంగా ఈ ఉద్యోగ ఖాళీల భర్తీ జరగనుంది. మొత్తం 1785 ఉద్యోగ ఖాళీలను ఈ జాబ్ నోటిఫికేషన్ ద్వారా భర్తీ చేయనున్నారు. పదో తరగతి అర్హతతో పాటు సంబంధిత ట్రేడ్ లో ఐటీఐ పాసైన వాళ్లు ఈ ఉద్యోగ ఖాళీల కోసం దరఖాస్తు చేసుకోవచ్చు. 15 నుంచి 24 సంవత్సరాల మధ్య వయస్సు ఉన్నవాళ్లు ఈ ఉద్యోగ ఖాళీల కొరకు దరఖాస్తు చేసుకునే అవకాశం ఉంటుంది.
ఫిట్టర్, వెల్డర్, ఎలక్ట్రీషియన్, కార్పెంటర్ ఉద్యోగ ఖాళీలతో పాటు ఇతర ఉద్యోగ ఖాళీలను ఈ జాబ్ నోటిఫికేషన్ ద్వారా భర్తీ చేయనున్నారు. 2025 సంవత్సరం జనవరి 1వ తేదీ నాటికి 15 నుంచి 24 సంవత్సరాల మధ్య వయస్సు ఉన్నవాళ్లు ఈ ఉద్యోగ ఖాళీలకు దరఖాస్తు చేసుకోవాలి. పదో తరగతి, ఐటీఐ మార్కులు, డాక్యుమెంట్ వెరిఫికేషన్, మెడికల్ ఎగ్జామినేషన్ ద్వారా ఉద్యోగ ఖాళీల భర్తీ జరుగుతుంది.
ఈ ఉద్యోగాలకు దరఖాస్తు రుసుము 100 రూపాయలుగా ఉంది. ఎస్సీ, ఎస్టీ, దివ్యాంగులు, మహిళా అభ్యర్థులకు దరఖాస్తు రుసుము నుంచి మినహాయింపు ఉండనుందని సమాచారం అందుతోంది. డిసెంబర్ 27వ తేదీలోగా అర్హత ఉన్న అభ్యర్థులు దరఖాస్తు చేసుకోవాల్సి ఉంటుంది.