జంతువులపై సినిమాలు చేయటం హాలీవుడ్ కుసరదా…సంతోషమూను. ఎందుకంటే జంతువులతో చేసిన సినిమాలన్నీ హిట్ అవుతూ రికార్డ్ లు బ్రద్దలు కొడుతూ వస్తున్నాయి. రాక్షస బల్లులతో తెరకెక్కించినా, చీమలతో పెద్ద సినిమా చేసినా కలెక్షన్స్ తో భాక్సాఫీస్ చెలరేగిపోతూంటూంది. ఆ ప్రేరణతోనే ఇప్పుడు తాజాగా మరో చిత్రం ప్రేక్షకులకు అలరించడానికి రెడీఅవుతోంది. అలెగ్జాండ్రి అజా దర్శకత్వంలో తెరకెక్కిన చిత్రం ‘క్రాల్‌’. తాజాగా ఈ చిత్ర ట్రైలర్‌ను విడుదల చేస్తే..రికార్డ్ ల బ్రద్దలు కొట్టే వ్యూస్ తో దూసుకుపోతూ వ్యూట్యూబ్ లో ట్రెండింగ్ లో నిలుస్తోంది. ఆ ట్రైలర్ ని మీరు ఇక్కడ చూడవచ్చు.
ఈ ట్రైలర్ లో స్టోరీ లైన్ చెప్పేసారు. అమెరికా లోని ఫ్లొరిడా రాష్ట్రాన్ని హరికేన్‌లు చుట్టుముడతాయి. వర్షాలు, వరదలతో ఆ ప్రాంతమంతా నీట మునుగుతుంది. దీంతో అక్కడి ప్రజలందరూ సురక్షిత ప్రాంతాలకు వెళ్లిపోతారు. ఓ మహిళ మాత్రం ఇంట్లో ఉండిపోతుంది.
ఈ నేపథ్యంలో వరదల ధాటికి అక్కడకు కొట్టుకు వచ్చిన మొసళ్ల నుంచి ఆమె ఎలా ప్రాణాలను దక్కించుకుంది? ఆమెను కాపాడటానికి వచ్చి బలైపోయిన వారు ఎవరు? తదితర అంశాలతో ఈ సినిమా ఎంతో ఉత్కంఠగా తెరకెక్కించారు. పారామౌంట్‌ పిక్చర్స్‌ సమర్పిస్తున్న ఈ చిత్రాన్ని క్రెయిగ్‌ జె ఫ్లోరిస్‌, శామ్‌ రైమీలు నిర్మించారు. జులై 12 ఈ సినిమా ప్రేక్షకుల ముందుకు రానుంది.