చింతపండు మనం నిత్యం వంటలలో ఉపయోగించే వాటిలో ఎంతో కీలకంగా మారుతుంది. ఏ వంట చేసినా తప్పనిసరిగా చింతపులుపు అవసరమవుతుంది. అయితే కొన్ని రకాల సమస్యలతో బాధపడేవారు చింతపులుసుకు పూర్తిగా దూరంగా ఉండాలి. కొన్ని అనారోగ్య సమస్యలతో బాధపడే వారు చింత పులుసు తీసుకోవడం వల్ల సమస్యలు మరింత అధికమవుతాయి. మరి ఏ సమస్యలతో బాధపడేవారు చింతపులుసుకు దూరంగా ఉండాలి అనే విషయానికి వస్తే…
ఎవరైతే చర్మ సంబంధిత వ్యాధులతో బాధపడుతూ ఉంటారు అలాంటి వారు చింతపండును దూరం పెట్టాలి.చర్మ సంబంధిత వ్యాధులతో బాధపడేవారు చింతపండును అధికంగా తీసుకోవడం వల్ల చర్మ సమస్యలు మరింత అధికమవుతాయి. చర్మంపై దద్దుర్లు రావడం నవ్వులు రావడం వాపులు రావడం వంటి సమస్యలు అధికమయ్యే అవకాశాలు ఉంటాయి. మధుమేహంతో బాధపడేవారు చింతపండు అధికంగా తీసుకోవటం వల్ల వారి రక్తంలో చక్కెర స్థాయిలు పెరిగే సూచనలు ఎక్కువగా ఉంటాయని నిపుణులు చెబుతున్నారు.
చలికాలంలోనూ లేదా ఏదైనా సమస్యల కారణంగా ఎవరైనా గొంతు నొప్పి సమస్యతో బాధపడుతూ ఉన్నట్లయితే అలాంటి వారు చింతపండుకు దూరంగా ఉండాలి.గొంతు సమస్యలతో బాధపడేవారు పులుపు తీసుకోవడం వల్ల బ్యాక్టీరియల్ ఇన్ఫెక్షన్ మరింత పెరిగే సూచనలు ఉంటాయి. ఇక దంతాల నొప్పితో బాధపడేవారు కూడా చింతపండుకు దూరంగా ఉండటం ఎంతో మంచిది. ఇలాంటి అనారోగ్య సమస్యలతో బాధపడేవారు వీలైనంత తక్కువ పరిమాణంలో చింతపండు ఉపయోగించడం మంచిది.