మన శరీరంలో కిడ్నీలు కీలకమైన అవయవాలు. ఇవి బాడీలోని విషపదార్థాలను (టాక్సిన్స్) శరీరం నుంచి బయటకు పంపించేందుకు నిరంతరం శ్రమిస్తుంటాయి. కిడ్నీలు బలహీనంగా మారితే, రక్తాన్ని శుద్ధి చేసే ప్రక్రియకు అంతరాయం కలుగుతుంది. దాంతో ఆరోగ్య సమస్యలు ఒక్కొక్కటిగా ఎదురవుతాయి. అయితే, ఈ కిడ్నీలను ఆరోగ్యంగా ఉంచుకునేందుకు అనేక ఆయుర్వేద పద్ధతులు ఉన్నాయి. ప్రముఖ యోగా గురువు బాబా రామ్దేవ్ ఈ విషయంలో ఎంతో సరళమైన టిప్‌ను సూచించారు.
బాబా రామ్దేవ్ చెబుతున్న వివరాల ప్రకారం.. ప్రతి రోజు ఖాళీ కడుపుతో కొన్ని ఆకులను తీసుకుంటే కిడ్నీ ఆరోగ్యాన్ని బలోపేతం చేయవచ్చట. ముఖ్యంగా రావి ఆకులు, వేప ఆకులు ఇందులో అద్భుత ప్రభావం చూపుతాయని ఆయన వెల్లడించారు.
ఉపయోగించే విధానం:
10 రావి ఆకులు, 10-20 వేప ఆకులు తీసుకుని వాటి రసాన్ని నిత్యం ఉదయం ఖాళీ కడుపుతో 30 మిల్లీలీటర్లు తీసుకోవాలి. ఈ మిశ్రమం కిడ్నీ ఫంక్షన్‌ను మెరుగుపరచడమే కాదు, క్రియాటినిన్ స్థాయిలను కూడా నియంత్రణలోకి తీసుకురావడంలో ఉపయోగపడుతుందంట. క్రియాటినిన్ లెవెల్స్ 8 నుండి 18 వరకూ ఉన్నవారికి కూడా ఈ చికిత్స ప్రభావవంతంగా పనిచేసిందట.
కిడ్నీలను ఆరోగ్యంగా ఉంచుకోవడం ద్వారా, మొత్తం శరీరానికి కావలసిన శుద్ధి ప్రక్రియ సక్రమంగా సాగుతుంది. సరైన ఆహారం, యోగా, జలసేచన, సరైన జీవనశైలి పాటించడం ద్వారా మనం దీర్ఘకాలిక ఆరోగ్యాన్ని సుస్థిరం చేసుకోగలమన్నది ఈ సూచనలో అర్థమవుతోంది.
అయితే ఈ టిప్‌ను పాటించడంలో ముందుగా వైద్య నిపుణుల సలహా తీసుకోవడం మంచిదే. ప్రత్యేకించి ఇప్పటికే డయాలసిస్ లేదా కిడ్నీ సంబంధిత చికిత్సలో ఉన్నవారు తప్పనిసరిగా వైద్యుడి మార్గదర్శనాన్ని అనుసరించాలి.