క్యాలీఫ్లవర్ మన రోజు వారి ఆహారంలో తీసుకున్నట్లయితే ఎన్నో ఆరోగ్య ప్రయోజనాలను పొందవచ్చు. క్యాలీఫ్లవర్ ను ఆయిల్లో డీప్ ఫ్రై చేస్తే వీటిలో ఉన్న సహజ పోషకాలు నశించిపోతాయి. అందుకే క్యాలీఫ్లవర్ ను ఉడకబెట్టుకొని తాలింపు చేసుకుంటే మన శరీరానికి అవసరమైన సంపూర్ణ పోషకాలు లభిస్తాయి. క్యాలీఫ్లవర్ లో విటమిన్స్, మినరల్స్, కార్బోహైడ్రేట్స్, యాంటీ ఆక్సిడెంట్, ఫైబర్ సోడియం, క్యాల్షియం, మెగ్నీషియం వంటి ఎన్నో సహజ పోషకాలు సమృద్ధిగా లభిస్తాయి. క్యాలీఫ్లవర్ ను రోజు వారి ఆహారంలో తీసుకోవడం వల్ల కలిగే ఆరోగ్య ప్రయోజనాల గురించి ఇప్పుడు తెలుసుకుందాం.
క్యాలీఫ్లవర్ లో సహజ పోషకాలు ఎక్కువగా ఉండి క్యాలరీలు తక్కువగా ఉంటాయి. కావున ఉబకాయ సమస్యతో బాధపడుతూ బరువు తగ్గాలనుకునేవారు తమ రోజువారి ఆహారంలో క్యాలీఫ్లవర్ ను నిక్షేపంగా తీసుకోవచ్చు. క్యాలీఫ్లవర్ లో యాంటీ ఆక్సిడెంట్ క్యాన్సర్ నుంచి రక్షించే ఫైటో న్యూట్రియంట్లూ సమృద్ధిగా లభిస్తాయి. క్యాలీఫ్లవర్ ను తమ రోజువారి ఆహారంలో తీసుకోవడంతో పాటు ఉదయాన్నే అల్పాహారానికి ముందు క్యాలీఫ్లవర్ రసాన్ని సేవిస్తే క్యాన్సర్ కణాలు నశింపజేసి ఉదర క్యాన్సర్, లివర్ క్యాన్సర్, రొమ్ము క్యాన్సర్లను అదుపు చేయడంలో సహాయపడుతుంది.
క్యాలీఫ్లవర్ ను తరచూ మన ఆహారంలో భాగం చేసుకుంటే వీటిలో ఉండే సహజ యాంటీ ఆక్సిడెంట్లు విటమిన్ సి, ఫైబర్ కిడ్నీ పనితీరును మెరుగుపరిచి శరీరంలోని చెడు మలినాలను బయటికి పంపడంతో పాటు యూరినరీ ఇన్ఫెక్షన్లను తగ్గించడంలో సహాయపడుతుంది. జీర్ణ వ్యవస్థ పనితీరును మెరుగుపరిచి మలబద్ధక సమస్యను కూడా దూరం చేస్తుంది. ఉడికించిన కాలీఫ్లవర్ ను తరచూ ఆహారంలో తీసుకుంటే రక్తంలో ఎర్ర రక్త కణాల ఉత్పత్తిని ప్రోత్సహించి ప్రమాదకర రక్తహీనత సమస్యను దూరం చేస్తుంది. పచ్చి క్యాలీఫ్లవర్ ను నమ్మడం వల్ల నోటిలోని బ్యాక్టీరియా నశించిపోయి దంతాలు దృఢంగా తయారవుతాయి. క్యాలీఫ్లవర్ లో ఉండే విటమిన్ సి విటమిన్ ఏ విటమిన్ బి చర్మ సమస్యలను జుట్టు సమస్యలను తగ్గించడంలో సహాయ పడతాయి.