సాధారణంగా మనకి వచ్చే కలలు తరచూ గందరగోళంలో పడేస్తుంటాయి. వాటిలో ముఖ్యంగా పాములు కలలో కనిపించడం చాలా మందిని ఆందోళనకు గురిచేస్తుంది. వాస్తవ జీవితంలో పామును చూసినప్పుడు భయపడతాము. కానీ కలలో పామును చూడటం మాత్రం ఆధ్యాత్మికంగా, జ్యోతిష్యశాస్త్రపరంగా కూడా గణనీయమైన అర్థం కలిగి ఉందని పండితులు చెబుతున్నారు.
పండితుల అభిప్రాయం ప్రకారం.. కలలో పాములు తరచుగా కనిపించడం అంటే వ్యక్తి జీవితంలో పితృదోషం లేదా కాలసర్ప దోషం ఉన్నదని అర్థం చేసుకోవాలని పండితులు చెబుతున్నారు. ఇది కేవలం ఆధ్యాత్మిక కోణంలోనే కాదు, మానసిక రీత్యా కూడా వ్యక్తిలో భయాందోళనలను కలిగించే సూచనగా భావిస్తారు.
ఇక కలలో పాముల రూపం, రంగు, ప్రవర్తన.. ఇవన్నీ వేర్వేరు సంకేతాలను ఇస్తాయి. ఉదాహరణకు, పాము ఒక వ్యక్తిని వెంబడించడం అంటే త్వరలో కొన్ని సమస్యలు, వివాదాలు ఎదుర్కోవాల్సి వస్తుందని సూచిస్తుంది. అలాగే, పాము తేనెటీగల మధ్య పోరాటం కనిపిస్తే, అది నిజజీవితంలో పెద్ద గొడవలు, కోర్టు వ్యవహారాలు లేదా కుటుంబ తగాదాలకు సంకేతమని అంటారు.
అయితే ప్రతిసారి పాములు కనిపించడం ప్రతికూలం కాదని కూడా స్వప్న శాస్త్రం చెబుతున్నాయి. కలలో నల్ల తాచు పాము తన పడగను పైకెత్తి నిలబడితే, అది ఆర్థిక లాభాలు, అదృష్టం, శ్రేయస్సు త్వరలో మీ జీవితంలో ప్రవేశిస్తాయని సూచిస్తుంది. ఇంకా ఆశ్చర్యకరంగా, పాము కాటు కలలో కనపడితే అది అనూహ్యమైన శుభవార్తలు లేదా కొత్త అవకాశాలు జీవితంలో ఎదురవుతాయని పండితులు అంటున్నారు.
ఆధ్యాత్మిక గ్రంథాల ప్రకారం, పాములు శక్తి, రక్షణ, సంపదల చిహ్నాలుగా భావించబడతాయి. అందువల్ల కలలో పాము కనపడితే భయపడటానికి బదులు దాని సంకేతాన్ని సరిగా అర్థం చేసుకోవడం అవసరం. ప్రతికూల సంకేతాల సమయంలో పితృదోషం శాంతి, నాగపూజలు, రుద్రాభిషేకం వంటి పూజలు చేయడం ద్వారా దోషాలను తగ్గించుకోవచ్చని పండితులు సూచిస్తున్నారు.
మొత్తం మీద, కలలో పామును చూసి ఆందోళన కాకుండా దాని స్వరూపం, ప్రవర్తన ఆధారంగా శుభం.. అపశకునం రెండింటి సంకేతాలను కలిగి ఉంటుంది. జాగ్రత్తలు తీసుకుంటే సమస్యలను నివారించవచ్చు, శుభ ఫలితాలను పొందవచ్చు. (Disclaimer: ఈ కథనంలో పేర్కొన్న వివరాలు పురాణ, జ్యోతిష్య ఆధారిత అంచనాలపై ఆధారపడి ఉన్నాయి. వ్యక్తిగత జీవిత నిర్ణయాలకు నిపుణుల సలహా తీసుకోవడం మంచిది.)