Radhe Shyam Trailer : పాన్ ఇండియా స్టార్ ప్రభాస్ – పూజా హెగ్డే కాంబినేషన్లో ‘రాధే శ్యామ్’ రెండో ట్రైలర్ ఈ రోజు వచ్చేసింది…నిమిషం పాటు వున్న ఈ ట్రైలర్ రోమాంటిక్ థ్రిల్లర్ మూవీ అని తెలిసేలా వుంది. ఇందులో ప్రభాస్ ఆస్ట్రాలాజర్ పాత్రలో కనిపిస్తాడు. ‘చెయ్యి చూసి ఫ్యూచర్ ని, వాయిస్ చూసి పాస్ట్ ని చెప్తావన్న మాట?’ అన్న క్లయింట్ డైలాగుతో ప్రభాస్ ని ఇంట్రడ్యూస్ చేస్తూ ట్రైలర్ మొదలవుతుంది
‘వీడు ఎప్పుడు చనిపోతాడో చెప్పడం కష్టం’ అనే డైలాగుతో ప్రభాస్ డౌట్ వ్యక్తం చేస్తాడు. జగపతి బాబు ఇంకో సారి చేయ చూడమంటే, ‘నాకు రెండో సార్ చూసే అలవాటు లేదు’ అంటాడు ప్రభాస్.
https://www.youtube.com/watch?v=NqJLkWBPShY&feature=youtu.be
స్టయిలిష్ లుక్ తో బ్రిలియెంట్ గా వున్న ప్రభాస్ తో పూజా హెగ్డే గిలిగింతలు పెట్టే రోమాన్స్ వస్తుంది. విజువల్స్ ఆకట్టుకునేలా ఉన్నాయి. ట్రైలర్ చివర్లో ‘ప్రేమకు, విధికి మధ్య జరిగే యుద్ధమే… ‘ అంటూ రాజమౌళి వాయిస్ ఓవర్‌లో వచ్చే డైలాగ్ ట్రైలర్ ని పీక్ కి తీసికెళ్తుంది.
దర్శకుడు రాధాకృష్ణ కుమార్ పానిండియా ప్రేక్షకుల్ని దృష్టిలో పెట్టుకుని భారీ బడ్జెట్ తో, అంతర్జాతీయ క్వాలిటీతో తెరకెక్కించిన ఈ మెగా మూవీకి తమన్ – జస్టిన్ ప్రభాకరన్ ల మ్యూజిక్ క్రేజ్ అంతా ఇంతా కాదు. ఇప్పటికే ఈ మూవీ పాటలు, ఫస్ట్ ట్రైలర్ రిలీజ్ కాగా ఇప్పుడు రెండవ ట్రైలర్ నెక్స్ట్ లెవెల్ కి వెళ్లింది. మార్చి 11న విడుదల చేసేందుకు శరవేగంగా సన్నాహాలు జరుగుతున్నాయి. టీ సిరీస్, యూవీ క్రియెషన్స్ సంయుక్త నిర్మాణం.