బరితెగింపు రాతల రాధాకృష్ణ 

 

“ఎర్ర గురివింద తన కింది నలుపెరుగనట్లు” అనే సామెతను ఎవరు సృష్టించారో కానీ, క్షుద్రజ్యోతి రాధాకృష్ణ అది అక్షరాలా సత్యమని తన చెత్తపలుకు ద్వారా ఈరోజు మరోసారి రుజువు చేసుకున్నాడు.  తన కంట్లో దూలాన్ని పెట్టుకుని ఎదుటివారి కంట్లో నలుసును వెదకడం, ఎత్తి చూపడం ఈ భూప్రపంచంలో ఒక్క రాధాకృష్ణకు మాత్రమే చెల్లిన గారడీ విద్య.  అత్యంత పవిత్రమైన న్యాయవ్యవస్థ కూడా భ్రష్టుపట్టి పోవడం చంద్రబాబు రాజకీయాల్లోకి వచ్చిన తరువాత మాత్రమే ప్రారంభమైంది.  గౌరవనీయులైన న్యాయమూర్తులతో రాసుకుని పూసుకుని తిరగడం, వారిని అర్ధరాత్రివేళ విందులకు, వినోదాలకు ఆహ్వానించడం, కానుకలతో సత్కరించడం, మురిపించడం, మెప్పించడం ఈ దేశరాజకీయాల్లో ఒక్క చంద్రబాబు విషయంలోనే చూశాము.  యావద్దేశాన్ని ఏలుతున్న ప్రధానమంత్రి సైతం ఏనాడూ న్యాయమూర్తులతో రహస్య సమావేశాలు జరపగా, వారితో విందులు కుడవగా మనం చూడలేదు.  ఇవాళ న్యాయవ్యవస్థకు కూడా మకిలి అంటుతున్నదంటే ఆ పాపం చంద్రబాబుది తప్ప మరొకరిది కాదు.  ఆ మురికిని వదిలించాలని జగన్మోహన్ రెడ్డి చేస్తున్న ప్రయత్నాలకు విషపూరితమైన వ్యాఖ్యలతో మరింత బురద అంటిస్తున్న రాధాకృష్ణ బరితెగింపు రాతలను ఒకసారి పరిశీలిద్దాం. 

 

 

 

 

కదా మరి!  వ్యక్తిత్వ హననాన్ని ఎవరు మాత్రం భరిస్తారు?  కానీ, రాధాకృష్ణ దృష్టిలో ఆ వ్యక్తిత్వం అనేది ఒక్క చంద్రబాబుకు, ఆయన భజన చేసేవారికి మాత్రమే ఉంటుంది.  జగన్ మోహన్ రెడ్డి అనే ఒక పార్లమెంట్ సభ్యునికి మాత్రం లేదు.  అందుకనే ఏనాడూ తండ్రి పాలన సాగుతున్నప్పుడు హైదరాబాద్ లోనే అడుగు పెట్టని జగన్ తండ్రిని అడ్డం పెట్టుకుని లక్ష కోట్లు దోచేశాడని ఇష్టం వచ్చినట్లు కథలు రాసేశారు!   ఈ దేశంలో ఏ ఒక్క కోర్టులోనూ జగన్ మీద ఆరోపణలు రుజువు కాకపోయినప్పటికీ, జగన్ ను నేరగాడుగానే చిత్రిస్తూ బరితెగింపు రాతలు రాశారు.  చంద్రబాబు రాజకీయ భవిష్యత్తు కోసం జగన్మోహన్ రెడ్డి భవిష్యత్తును సర్వనాశనం చెయ్యడానికి ఆంధ్రజ్యోతి, ఈనాడు లాంటి క్షుద్రపత్రికలు చేసిన కుటిల ప్రయత్నాలు ఎవరైనా మర్చిపోయారా?  జగన్ జైలుకు వెళ్తుంటే, ఆయన భార్య బట్టలు సూట్ కేసులో సర్ది ఇస్తున్నట్లు పరమ దుర్మార్గమైన కార్టూన్లు వేసుకుని పైశాచిక ఆనందాన్ని పొందారు.  రాధాకృష్ణ దృష్టిలో జగన్ కు వ్యక్తిత్వం లేదు.  చంద్రబాబు హయాంలో అధికారపదవులు అనుభవించిన ఏజీకి మాత్రం వ్యక్తిత్వం ఉన్నది!  ఆయన మీద ఎసిబి ఆరోపణలతో ఎఫైఆర్ నమోదు చేసినప్పటికీ, ఆయన గూర్చి ఎవ్వరూ రాయడానికి వీల్లేదు.  ఎందుకంటే ఈ భూప్రపంచంలో ఆయన ఒక్కరికే వ్యక్తిత్వం ఉన్నది మరి!  

 

***

 

 

ఇక్కడ ఇన్ సైడర్ ట్రేడింగ్ జరిగిందని చెబుతున్నది జగన్ అండ్ కో కాదు.  సాక్ష్యాలతో సహా రాష్ట్ర ప్రభుత్వ అవినీతి నిరోధక శాఖ!  తన మీద ఆరోపణలు వచ్చినపుడు కోర్టులు రుజువు చేసుకునే అవకాశం ఉండగా శ్రీనివాస్ ఎందుకు తప్పించుకుంటున్నట్లు?  ఆయన ఎప్పుడు భూములు కొన్నారో,  ఆ భూములను ఎంతకు కొన్నారో, ఆ డబ్బును ఎలా చెల్లించారో మొదలైన వివరాలు కోర్టులో రుజువు చేసుకోవచ్చు కదా?  ఎందుకు సదవకాశాన్ని వదులుకుంటారు?  శ్రీనివాస్ తరపున వకాల్తా పుచ్చుకోవడానికి మధ్యలో పత్రికా యజమాని ఎవరు?  వారిద్దరికీ ఏమిటి సంబంధం?  

 

 

****

 

బొత్స సత్యనారాయణ, జగన్మోహన్ రెడ్డి, హైద్రాబాద్ లో కొన్న స్థలాలు కొన్నారు.  అంతే తప్ప దమ్మాలపాటి శ్రీనివాస్, లోకేష్ నాయుడు, పుల్లారావు లాగా నలభై ఎకరాలు, యాభై ఎకరాలు కొన్నారా?  జగన్మోహన్ రెడ్డి రాజకీయ నాయకుడు.  ఆయన మొన్నటిదాకా ప్రతిపక్ష నాయకుడు..నేడు ముఖ్యమంత్రి.  ఆయన హైద్రాబాద్ లో ఇల్లు కట్టుకోవడం తప్పా?  మొన్నటిదాకా ముఖ్యమంత్రిగా ఉన్న చంద్రబాబు నాయుడు హైద్రాబాద్ లో లంకంత కొంప ఎందుకు కట్టుకున్నారు?  ఆయనది ఆంధ్రప్రదేశ్ కదా?  ఆయనకు హైద్రాబాద్ రాజధాని నగరం కాదు కదా?  అమరావతి రాజధానిగా ప్రకటించిన తరువాత కూడా హైద్రాబాద్ లో మూడు వందల కోట్ల రూపాయలతో ఎందుకు రాజభవనాన్ని నిర్మించుకున్నట్లు?  ముఖ్యమంత్రి హోదాలో ఆయనకు అధికారిక నివాసం ఉన్నప్పటికీ, తన కుటుంబం మొత్తాన్ని తెలంగాణాలో పార్క్ హయత్ హోటల్లో ఏడాది పాటు ఉంచి వందలకోట్ల రూపాయల ప్రజాధనాన్ని ఎందుకు తగలేసినట్లు?  ఒక స్థలంలో ఇల్లు కట్టుకోవడానికి, రియల్ ఎస్టేట్ వ్యాపారం కోసం యాభై ఎకరాలు కొనుక్కోవడం ఒకటేనా?  ఎవరి చెవిలో పూలు పెడతారు రాధాకృష్ణ గారు?  

 

****

 

“అబ్బబ్బబా.. ఏమి తెలివి? ఏమి సమర్ధన!   ఈమాత్రం తెలివి చట్టం పట్ల కూలంకష ప్రజ్ఞావంతుడైన దమ్మాలపాటి వారికి తెలియకుండా ఉంటుందా?  మొత్తం కొర్ కాపిటల్లో కొనుగోలు చేస్తే ఆనాడే ఆ కుంభకోణం బయట పడదా?  రాజధానికి 70  కిలోమీటర్ల దూరంలో ఉన్న కంచికచర్లలో కొనుగోలు చేశారంటే అమరావతి రాజధాని పరిధిని కంచికచర్ల వరకు విస్తరించే కుతంత్రం ముందుగానే తెలిసింది అనుకోవాలి.  

 

****

 

గవర్నర్ రాసలీల వ్యవహారం ఆయన ఒక్కడికి సంబంధించింది.  అమరావతి కుంభకోణం తెలుగుదేశం పార్టీ మొత్తానికి సంబంధించింది.  తివారి వ్యవహారంలో ఆయన మాత్రమే ముద్దాయిగా నిలిచాడు.  ప్రజలెవ్వరికీ ఆర్ధిక, ప్రాణ, మాన నష్టం జరగలేదు.  అమరావతి కుంభకోణంలో వేలాది మంది రైతులు దోపిడీకి గురయ్యారు.  వారి నుంచి కొద్ది లక్షల్లో కొన్న ఎకరాలను తరువాత కోట్ల రూపాయలకు అమ్మేసుకుని రైతులను నిలువునా మోసం చేశారు.  తివారి గత  రాజకీయ జీవితాన్ని,  హోదాను దృష్టిలో పెట్టుకుని బ్లాక్ మెయిలింగ్ లాంటి ఆ వీడియో ప్రసారాలను ఆపెయ్యమని కోర్ట్ ఆదేశించడం  సబబే.  రాజధాని అనేది వేలకోట్ల  రూపాయల ఆర్ధిక కుంభకోణం.  ఆ రెండింటిని  పోల్చడం  అంటే  వానపాముతో  కొండచిలువను,  కోడెత్రాచును  పోల్చడం  కాదా?     

 

****

“ఒక తెలుగువాడు సుప్రీంకోర్టులో అత్యున్నత స్థానానికి చేరుకోకుండా అడ్డుకోవడానికి పన్నుతున్న పన్నాగాలను చేతులు కట్టుకుని చూస్తూ కూర్చోవాలా? ఆ న్యాయమూర్తి టార్గెట్‌గా జగన్‌ అండ్‌ కో చేస్తున్న ఆరోపణలు, ఫిర్యాదులను బట్టి వారి ఉద్దేశం ఏమిటో స్పష్టమవుతోంది కదా? “

 

ఇప్పుడు రాధాకృష్ణ మనసులోని భయం బయటపడింది.  ఆ తెలుగువాడి కుమార్తెల పేర్లు  భూ కుంభకోణంలో చోటు చేసుకోవడంతో “మనవాడి” భవిష్యత్తు ఎక్కడ దెబ్బ తింటుందో అని రాధాకృష్ణ హరీంద్రమ్ తరుముతున్న  హరిణంలా వణికిపోతున్నాడు!   ఆ న్యాయమూర్తి టార్గెట్ గా ఆరోపణలు చేస్తున్నారని రాధాకృష్ణ డిక్లేర్ చెయ్యడమేమిటి?  దీన్నిబట్టి అర్ధం రావడంలేదా…ఆ న్యాయమూర్తి ఉన్నత స్థానానికి చేరుకుంటే జగన్ మీద కక్ష సాధించే దురుద్దేశ్యం రాధాకృష్ణ అండ్ కో కు ఉన్నట్లు స్పష్టం కావడం లేదా?  ఇలాంటి రాతలు రాయడం ఆ న్యాయమూర్తిని అవమానించడం కాదా?  ఆయన రికార్డు మీద మసి పూయడం కాదా?  అనుమానాలు రేకెత్తించడం కాదా?  ఆ న్యాయమూర్తికి రాధాకృష్ణ మేలు చేస్తున్నాడా లేక కీడు చేస్తున్నాడా?  రాధాకృష్ణ రాతల వలన దేశవ్యాప్తంగా ఆ న్యాయమూర్తి మీద లేనిపోని సందేహాలు కలుగుతున్నాయి కదా!

 

***

 

హాహాహా…పంచతంత్రంలో బాటసారికి బంగారం ఆశ చూపించి భోంచేసిన వ్యాఘ్రం కథ గుర్తుకొస్తుంది రాధాకృష్ణా!  కులగజ్జి కి కేరాఫ్ అడ్రస్ అయిన చంద్రబాబు, రామోజీరావు, రాధాకృష్ణల తమ కులగజ్జి రాతలతో ఆ కులానికే తలవంపులు తెచ్చారు గత నలభై ఏళ్లుగా.  ఆ కులం వారంటే ఇతర కులాలవారు భయపడేట్లుగా కులగజ్జిని  అంటించి సమాజాన్ని సర్వనాశనం చేసిన ఈ ముగ్గురు కులగజ్జి గురించి మాట్లాడుతుంటే దేనితో నవ్వాలి?   ఇక జస్టిస్ రాజా ఇళంగో బెయిల్ ఇచ్చారంటే…పదహారు నెలల పాటు జైల్లో పెట్టినా, ఒక్క ఆరోపణను కూడా రుజువు చెయ్యలేని నాటి సిబిఐ అధికారి లక్ష్మీనారాయణ అసమర్థతే కదా కారణం?  ఒకే వ్యక్తి మీద పదకొండు ఛార్జ్ షీట్లు దాఖలు చేసి, జగన్మోహన్ రెడ్డికి న్యాయపరంగా తొంభై రోజులకు రావాల్సిన బెయిల్ ను అడ్డుకునే కుట్రను గమనించి జగన్ కు బెయిల్ మంజూరు చెయ్యడం జరిగింది.  ఇక సదరు జస్టిస్ కు పదవీవిరమణ తరువాత జగన్ పదవి ఇచ్చాడని చెప్పడం ద్వారా ఆనాడు జస్టిస్ రాజా ఇళంగో నిజాయితీ మీద బురద చల్లడం కాదా?  న్యాయస్థానాన్ని అవమానించడం కాదా?    హైకోర్టుకు దురుద్దేశ్యాలను ఆపాదించడం కాదా?  ఇది కచ్చితంగా కంటెంప్ట్ అఫ్ కోర్ట్ కిందికి వస్తుంది.  ఈ అంశం మీద రాధాకృష్ణపై ఎవరైనా కోర్టులో కేసు వెయ్యాలి.  మరి మొన్న అచ్చెన్నాయుడుకు, కోళ్లు రవీంద్రకు  బెయిల్ ఇచ్చింది హైకోర్టు.  ఆ బెయిల్ ఇచ్చిన సదరు న్యాయమూర్తికి కూడా ఇలాంటి దురుద్దేశ్యాలనే ఆపాదిస్తారా రాధాకృష్ణ?  జగన్ మీద విచారణకు ఆదేశించిన జస్టిస్ కక్రూకు పదవీవిరమణ చేసిన ఇరవైనాలుగు గంటలు తిరగకుండానే మానవహక్కుల కమీషన్ చైర్మన్ గా నియమించారు.  దాన్నేమనాలి?  జగన్ మీద విచారణకు ఆదేశించినందుకు బహుమతి అని విశ్వసించాలా?