హైదరాబాద్ అబిడ్స్ లో రోడ్డు ప్రమాదం జరిగింది. ఈ ప్రమాదంలో మూడో తరగతి చదువుతున్న ఏడేళ్ల చిన్నారి అక్కడికక్కడే మృతి చెందింది. దీంతో అక్కడ విషాద చాయలు అలుముకున్నాయి. దియాజైన్ అబిడ్స్ లోని రోజారీ కాన్వెంట్ స్కూల్ లో మూడో తరగతి చదువుతోంది. శుక్రవారం ఉదయం జైన్ ను పాఠశాల వద్ద దింపేందుకు తండ్రి నరేష్ బైక్ పై తీసుకెళుతున్నాడు. ఈ క్రమంలో వాటర్ ట్యాంకర్ అదుపుతప్పి వీరి బైక్ ను ఢికొట్టింది.
ట్యాంకర్ టైర్ల కింద పడ్డ జైన్ తీవ్రగాయాలతో అక్కడికక్కడే చనిపోయింది. ఆమె తండ్రి నరేష్ కు తీవ్ర గాయాలయ్యాయి. విషయం తెలుసుకున్న కుటుంబ సభ్యులు అక్కడికి చేరుకొని కన్నీరు మున్నీరయ్యారు. అందరిని నవ్విస్తూ ఉండే చిన్నారి అకాల మరణం చెందడంతో అక్కడ విషాద చాయలు అలుముకున్నాయి. పోలీసులు కేసు నమోదు చేసి దర్యాప్తు చేస్తున్నారు.