హైదరాబాద్ రాజేంద్రనగర్ పరిధిలోని అత్తాపూర్ లో పట్టపగలే నడిరోడ్డుపైన ఒక వ్యక్తిని గొడ్డలితో నరికిన ఘటన సంచలనం రేపింది. రమేష్ గౌడ్ అనే వ్యక్తిని పదిహేనుసార్లు విచక్షణా రహితంగా గొడ్డలితో నరికి చంపారు హంతకులు. రమేష్ గౌడ్ హత్యకు కారణం గతంలో అతడు చేసిన మర్డర్. మహేష్ గౌడ్ అనే వ్యక్తి మర్డర్ కేసులో రమేష్ గౌడ్ ఏ 1 నిందితుడు. ఈ కేసులో రమేష్ ఉప్పర్ పల్లి కోర్టులో హాజరై తిరిగి వెళ్తున్న క్రమంలో పిల్లర్ నంబర్ 139 వద్ద మాటు వేసిన మహేష్ బంధువులు అతని పై గొడ్డలితో దాడి చేసి మట్టు బెట్టారు.
మహేష్ గౌడ్ ని చంపాడని రమేష్ గౌడ్ ని హత్య చేసినట్టు తెలుస్తోంది. అయితే రమేష్…మహేష్ ని ఎందుకు హత్య చేసినట్టు? దీనికి కారణం ఎవరు? ఈ రెండు హత్యలకు కారణం ఒక మహిళ. ఆమె వలనే రెండు ప్రాణాలు గాలిలో కలిసిపోయాయి. అసలు విషయం తెలియాలంటే కొద్దిరోజులు వెనక్కి వెళ్ళాలి. బుధవారం జరిగిన రమేష్ హత్యే కాదు గతంలో జరిగిన మహేష్ హత్య కూడా సినీ పక్కీలో జరిగింది. పెను సంచలనం రేపింది. దీనిపై పూర్తి వివరాలు కింద ఉన్నాయి చదవండి.
రమేష్ గౌడ్, మహేష్ గౌడ్ ఇద్దరు జుమ్మెరాత్ బజార్ కు చెందిన స్నేహితులే. రమేష్ స్థానికంగా ఉండే ఒక పెళ్ళైన మహిళతో అక్రమ సంబంధం పెట్టుకున్నాడు. ఈ విషయం మహేష్ కి తెలిసింది. అతడు కూడా ఆమెపై మోజు పడ్డాడు. ఆమెను తనకి పరిచయం చేయాలనీ, తనతో గడపటానికి ఒప్పించాలని రమేష్ వెంటపడటం స్టార్ట్ చేశాడు. అందుకు రమేష్ ఒప్పుకోకపోవడంతో… చేస్తావా లేదా విషయం అందరికి చెప్పమంటావా అని బ్లాక్మెయిల్ చేయడం ప్రారంభించాడు. ఎలాగైనా మహేష్ పీడా వదిలించుకోవాలని ప్లాన్ వేసాడు రమేష్.
కొందరు మిత్రులతో కలిసి మైసిగండి వద్ద దావత్ ఇస్తానంటూ పోయిన సంవత్సరం డిసెంబర్ 24 న మహేష్ ని కారులో వెంటబెట్టుకుని వెళ్ళాడు రమేష్. శంషాబాద్ శివార్లలో కారులోనే తీగతో అతని మెడకు బిగించి చంపేశారు. తర్వాత శంషాబాద్ పోలీస్ స్టేషన్ పరిధిలో మదనపల్లి వద్ద మహేష్ బాడీని పెట్రోల్ పోసి తగలబెట్టారు. శంషాబాద్ సెంటర్లో కారు సర్వీసింగ్ కి ఇచ్చి వెళ్లిపోయారు. కారులో రక్తం మరకలు చూసిన సెంటర్ యజమాని పోలీసులకు ఇంఫార్మ్ చేశాడు.
విచారణ చేపట్టిన పోలీసులు ఆ కేసులో హంతకులను ఛేదించారు. రమేష్ గౌడ్ ని విచారించగా అతను నిజాలు వెల్లడించి హత్య చేసినట్టు ఒప్పుకున్నాడు. రమేష్ గౌడ్ ని ఏ 1 నిందితుడిగా పోలీసులు కేసు ఫైల్ చేసారు. ఈ కేసుకు సంబంధించి రమేష్ ఉప్పర్ పల్లి కోర్టులో పేషీకి హాజరయ్యి వస్తుండగా మహేష్ బంధువులు అతడిని వెంటాడి గొడ్డలితో నరికి చంపేశారు. రమేష్ ని ఆగంతులు ఎలా హత్య చేసారో తెలియాలంటే కింద ఉన్న లింక్ క్లిక్ చేయండి.