వాట్పాప్ ప్రియులకు శుభవార్త

వాట్సాప్ ప్రియులకు వాట్సాప్ సంస్థ   ఓ శుభవార్త అందించింది. వినియోగదారులకు సరికొత్త ఫీచర్ ను అందుబాటులోకి తెచ్చింది. వినియోగదారులు ఎప్పటి నుంచో ఎదురు చూస్తున్న గ్రూప్ కాలింగ్ ను వాట్సాప్ ప్రవేశపెట్టింది. వీడియో, వాయిస్ కాలింగ్  ద్వారా ఒకేసారి నలుగురితో మాట్లాడొచ్చు. ఆండ్రాయిడ్, ఐవోఎస్ ఆపరేటింగ్ సిస్టమ్ ఉన్న అన్ని ఫోన్లలో ఇది పని చేస్తుంది. గత అక్టోబర్ లో వాట్సాప్ గ్రూప్ కాలింగ్ గురించి తొలిసారి బయటకు తెలియగా, ఈ ఏడాది మేలో వాట్సాప్ దానిని అధికారికంగా ప్రకటించింది. గ్రూప్ కాల్ చేయడానికి కాల్ చేసిన వ్యక్తి మొదట మరో వ్యక్తికి కాల్ ను కనెక్ట్ చేయాలి. తర్వాత స్క్రీన్ పై భాగంలో కుడివైపు మరో కాంటాక్ట్ ను యాడ్ చేసే ఆప్షన్ కనిపిస్తుంది. ఆ ఆప్షన్ ను క్లిక్ చేయడం ద్వారా మరో వ్యక్తిని గ్రూప్ కాలింగ్ లో యాడ్ చేయవచ్చు. ఇలా మొత్తం నలుగురితో గ్రూప్ కాల్ లో మాట్లాడే అవకాశం ఉంటుంది. గ్రూప్ కాలింగ్ కోసం ప్లే స్టోర్ లో వాట్సాప్ తాజా వర్షన్ ను డౌన్ లోడ్ చేసుకోవాల్సి ఉంటుంది. వాట్సాప్ అందించిన కొత్త ఫీచర్ తో వాట్సాప్ ప్రియులు ఆనందంతో ఉన్నారు.