కెరీర్ ప్రారంభంలో వరుసగా బ్లాక్ బస్టర్లు ఇట్టి.. మధ్యలో ఒక దశాబ్దంన్నర పాటు హిట్ అనే మాట వినకుండా, చూడకుండా ఉండిపోయిన దర్శకుడు తేజ. అయితే రెండేళ్ల కిందట ‘నేనే రాజు నేనే మంత్రి’ సినిమాతో మళ్లీ సక్సెస్ బాట పట్టాడు. ఈ సినిమా హిట్టైనా రకరకాల కారణాలతో కొంత విరామం తీసుకున్న తేజ.. కాజల్ అగర్వాల్ బెల్లంకొండ శ్రీనివాస్ ప్రధాన పాత్రలో ‘సీత’ అనే లేడీ ఓరియెంటెడ్ టచ్ ఉన్న సినిమా తీశాడు. ఈ చిత్రం మొన్న శుక్రవారం ప్రేక్షకుల ముందుకొచ్చింది.
కానీ మార్నింగ్ షోకే టాక్ తేడా కొట్టేసింది. ఓపినింగ్స్ బాగా దారుణంగా వచ్చాయి.రివ్యూలు అయితే సినిమా అసలు బాగోలేదు అని చెప్పేసాయి. తేజ క్రేజ్ కొంచెం కూడా వర్కవుట్ కాలేదు. చాలా చోట్ల ఈ సినిమా వాష్ అవుట్ అయ్యింది. కొన్ని చోట్ల సోమవారం నుంచి తీసేస్తే, మరికొన్ని చోట్ల బుధవారం నుంచి థియోటర్స్ తీసేస్తున్నట్లు తెలుస్తోంది.
ఆల్రెడీ తెలంగాణాలో సీత ను చాలా చోట్ల తీసేసి అలాడిన్ తెలుగు డబ్బింగ్ వెర్షన్ ని వేసారు. ఇక ఈ వారం రిలీజైన లీసా 3డి సైతం భాక్సాఫీస్ వద్ద వర్కవుట్ కాలేదు. లగడపాటి శ్రీధర్ కుమారుడు నటించిన ఎవడూ తక్కువ వాడు సినిమా సైతం డిజాస్టర్ అయ్యింది. దాంతో మహర్షి సినిమా వైపే జనం మ్రొగ్గుతున్నారు.