‘భయపెట్టడానికైతే పది నిమిషాలు, చంపేయడానికైతే పావుగంట. ఏదైనా ఓకే.. సెలెక్ట్‌ చేస్కో’ అంటూ తమ హీరో చెప్పే డైలాగులు రామ్ చరణ్ అభిమానులకు తెగ నచ్చేసాయి. రీసెంట్ గా విడుదలైన రామ్ చరణ్ ‘వినయ విధేయ రామ’టీజర్ శుక్రవారం విడుదలైంది.
అలాగే ఈ చిత్రంలో రామ్ చరణ్ తన సొంత పేరు రామ్ కొణిదెల అంటూ కనిపించనున్నారు. ‘నువ్వు పందెం పరశురామ్‌ అయితే నేను రామ్ కొ.ణి.దె.ల’ అంటూ చరణ్ చెప్పిన ఈ డైలాగ్‌ టీజర్‌లో దుమ్ము రేపే మరో ఎలిమెంట్.
ఈ చిత్రం టీజర్ నిండా అడుగడుక్కి బోయపాటి శ్రీను మార్క్‌ మాస్‌ అంశాలు కనిపించటంతో ఫ్యాన్స్ కు తెగ నచ్చేసింది.
దాంతో ఈ టీజర్ ఇంటర్నెంట్ లో రికార్డ్ లు క్రియేట్ చేస్తోంది. కేవలం 24 గంటల్లో 15.1 మిలియన్ల( కోటీ 50 లక్షలకు పైగా) డిజిటిల్ వ్యూస్‌ సాధించి రికార్డ్ సృష్టించింది.
డీవీవీ ఎంటర్టైన్మెంట్స్ బ్యానర్‌పై ప్రతిష్టాత్మకంగా తెరకెక్కుతున్న ఈ సినిమా లో కియారా అద్వానీ హీరోయిన్‌గా నటిస్తోంది. అళాగే మాజీ హీరోలు ప్రశాంత్‌, ఆర్యన్ రాజేష్‌ కీలక పాత్రల్లో నటిస్తుండగా బాలీవుడ్ నటుడు వివేక్‌ ఒబెరాయ్‌ విలన్ పాత్రలో కనిపించనున్నాడు.
దేవిశ్రీ ప్రసాద్‌ సంగీతం అందించారు. డీవీవీ ఎంటర్టైన్మెంట్స్ బ్యానర్‌పై దానయ్య ఈ చిత్రానికి నిర్మాతగా వ్యవహరిస్తున్నారు. సంక్రాంతికి ఈ చిత్రాన్ని ప్రేక్షకుల ముందుకు తీసుకురానున్నారు.